ahengêk le naw řan

řêbwar (be lay řana tê epeřê nizîk be mêrgî behar):hengezerde ebřê řêy dûr
bo bînînî gułałey sûr
ta negeřê mêrgî behar
dem nanête naw demî yar!şwan:bełam minî şay gişt hengî herdey beharan,
bo bînînim xoyan egirin řêy deşt, nazdaran!
sozî şimşimał exeme kar demî êwaran:
pol pol afret, şîrdoşî cwan, ekşê bo naw řan!řêbwar:hengezerde ebřê řêy dûr
bo bînînî gułałey sûr
çon be pêy xoy dê gułî geş
bo lay şwanî kepenkiřeş?
nek gułêk û nek syan û çwar,
çen le dêda hebê nazdar?!şwan:ke mołim da mêgelî têr leser sewze gya:
zerdey hetaw egrête zêř řûy deşt û çya,
her nazdare, bo hełpeřkê coşê le serya,
le şimşałim enê be naz řûy nyazî cya!řêbwar:hengezerde ebřê řêy dûr
bo bînînî gułałey sûr
le naw dêwe pol pol nazdar
eşêln sewzegyay behar
bo lay şwanî şimşał piř coş...
hey bextî baş! jyanî xoş!şwan:ḧełqey çopî leser ferşî gyay qeraẍî aw
le berdemma heł’epeřê ga gurc û ga xaw,
minîş çeşnî pepûleyek guł daybête naw
kê zor şox bê leber pêya ewestim taw taw!řêbwar:hengezerde ebřê řêy dûr
bo bînînî gułałey sûr
her le dêwe heta naw řan
be lence dên şîrdoşî cwan
heł’epeřn bo şimşałjen
hey bextî baş! jyanî şen!komełê afret (nextêk le dûrewe):ho şwanî behredar! têxuře çaweřêyn,
arayşit tewawe, amadey hełpeřkêyn!
peroşî awazey besozî şimşałîn,
bê sîḧrî fûy demit, bezim û noş betałîn,
têxuře, amadeyn padaştî awaze
têrit keyn le qûtî dił ke cwanî û naze!
ho şwanî bextyar! têxuře, direnge,
bê şimşał le deştîş wekû mał diłtenge!
têxuře, têxuře,
mê têr û gwan piře,
katî řan moł dane,
ta biłêy deşt cwane!
lêw bere bo şimşał,
be soz û nałenał
bilerzê leşî kêw!
bicoşê diłî dêw!
newestê hełpeřkê
ta bařey bergel dê!