mîlletêk hîway berzîy jyan bê
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
1 Xulek
512 Dîtin
#
mîlletêk hîway berzîy jyan bê
#
tînûy azadî û dîlî zeman bê
#
bendî û hejarîy zor la giran bê
#
hêzî merdaney ke hate gerdiş
wek etom zemîn dênête cunbuş
#
mîlletêk zorbey nexwêndewar bê
#
çewsawey destî sermayedar bê
#
cerg hełkizawî agirî zordar bê
#
ke cûłayewe wa xoy enwênê
ke tołey řojî řeşî bistênê
#
mîlletêk mêjûy řûnak û cwan bê
#
ewlay erdełan em lay botan bê
#
kangay ałtûn û newt û saman bê
#
hîç hêzêk nîye řêy bibate best
be zanist û fenin xoy eka serbest
#
mîlletêk çawî le xew hełhênê
#
bibînê dujmin zorî bo dênê
#
siteme serî bo danewênê
#
bêguman jyan le xoy tał eka
ta laşey dujmin lenaw çał eka
#
mîlletêk newey kawey aza bê
#
bo serkewtinî xoy diłnya bê
#
bo jyanîşî dił piř hîwa bê
#
zorî pê naçê egate awat
ałay serbestî be xwên heł ekat