gułêk şîrîntir le xunçey behar
gułî serbestî
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
1 Xulek
1167 Dîtin
gułêk şîrîntir le xunçey behar
nazkitir cwantir le şewboy nazdar
geştir le dîdey wenewşey nizar
gułêke nawî gułî serbestî
merde ew geley bigate destî
gułî serbestî ey hêzî gyanim
řoşnikerewey řêgey jyanim
tom nebê min xom be hîç nazanim
tom nebî hergîz naḧesêmewe
bê bonî xoşt nabûjêmewe
bam tenya her to şagułî min bî
serçawey sozî be kolî min bî
to taqe yarî piř diłî min bî
şî’irit pya hełdem be zubanî xom
biłêm demêke be dił şeyday tom
bo çî řengî to wekû xwên sûre
her hozê ke toy tyabê cesûre
wiłat be bonit zor pişt estûre
dyare telîsmî berzî jyanî
gelêk kêş ekey bo kameranî
bełam nirxî to êcgar girane
kiřyarit kuşte û cêgey zîndane
bo to min xwênî xom la herzane
serim bext ekem toy pî esênim
ke tom deskewtî serberz enwênim
yaran bibînin em kej û deşte
em lalezare ke wek beheşte
ḧeyfe wiłatman ke cêgey geşte
ew gułe xunçey tya nekatewe
kurdîş girewî xoy nabatewe