lebin şaxêkewe dengê bezarî
dengêkî ẍeyb
Li pirtûka:
Dîwanî Bextiyar Zêwer
Berhema:
Fayq Zêwer (1908-1952)
1 Xulek
709 Dîtin
lebin şaxêkewe dengê bezarî
ehate gwêm beşêwey hozî arî
besozêkî derûn eyut bira gel
çi xoşe yekyetî bo kurdewarî
çi xoşe dostî beynî ’eşayer
luř û qełxanî, caf û bextyarî
ne wek ajałî yek tałan biken şew
le xwênî yektira bibne tetarî
witim ho ho firîştey bin çyake
qiset zor cwane bo amojgarî
bełam ew towî cehley wa le kurda
çiroy sewze le ladêy û le şarî
besîçkan û bemazû tê şikawîn
’îlacman nakirê wa zû beyarî
eger xoman bizanîn hîç nezanîn
umêdî yekyetîman dête dyarî
neqełxanî eçê bo bawecanî
ne caf û tałebanî dêne larî
ne şarî dest û pêy ladêyî ebřê
ne ladêyî eçête pêstî şarî
ne nakokî ebête gunkî ser dił
ne kîney dił emênê karubarî
biłêm çî xobexoy yek zor xirapîn
bewêney xwêne xwên bo nalebarî
egîna pyawî zana tê ega zû
ke xoşe yekyetî bo kurdewarî