arezûy azîz wenem ser dawe
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
2155 Dîtin
arezûy azîz wenem ser dawe
ne herdey derûn ayr werdawe
taqet bî we hûn ce sextîy zaman
tiktik çenî hers řêza we daman
xem ne sercoy hûn saray dił cem cem
barçinî çun fewc qafłekey ’ecem
her we zor menden nîm nefes baqî
wadey dewrten, hana hey saqî!
dewrêder we naz we pyałewe
jengî dił we cam mey bimałewe
boy gułałey derd diłber ’ezîzen
mezey tamî xem yaran lezîzen
feryadřesîm ker, ne cay gişt kesim!
maze ew lezet berşo ne desim
îḧyam ker we cam safî yek menî
bełkû bimanûn, pey ẍemê henî