peyjey sûr
Li pirtûka:
Zebrî Honrawe
Berhema:
Kameran Mukrî (1929-1986)
2 Xulek
892 Dîtin
le nêrgizî zerdexeney naz pijên
le serincî şerim řêjî diłbizwên
le řêḧaney baxî gonay ał û guş
le mangî řû, tirîfey sing, çawî řeş
le awazî wituwêjî kiçî şeng
çipey nyan, nîgay geş û řengawřeng
le şepolî lerey bejnî şil û mil
lencey nerim naskîy kemerî şil
lem cwanîyane lem tase û dîmenane
le aram û le kamî em jyane
le gişt hîwa û xoşîyek «bêberî bû»
gyanêkî nwêy kirde berî hest û bûn
zerdexeney minałekanî pirwan
gułî kamî derûnî xoy hełweran
beser piley peyjey sûra hełzina
kewte duwan legeł giř û asna
way le xoy kird ke hest neka awatî
hebê zyatir le řizgarîy wiłatî
le xoy geyan ke gyanêke û hîçî tir
be hêzewe le asin û le agir
bemşêweye kuřî azay şox û şeng
çingî gîr kird le gerdinî şewezeng
şehîdî gel, bû be hewr le asman
xwênî geşî beser xaka ebaran
çawî daykî hemîşe kasey esrîn
kesukarî û senger û kej boy egrîn
keçî êwe ke her demin betenya
şermê naken le pełey xwênî çya
sengerekan egrîn bo qaremanan
ewan gyan bû pare nebû bexşîyan
nawyan nema gułî nawyan weranin
peřey yadî agirîntan sûtanin
meger her min nawî şehîdanî kurd
car car bênim be sozî honrawey wird