bûkî ladê
Li pirtûka:
Dyarî
Berhema:
Kameran Mukrî (1929-1986)
2 Xulek
1088 Dîtin
çawî kałyan eřişt be kil
boyan pêça serpêçî zil
milwankey denk gewrey zerd
nîşte ser singêkî bêgerd
kirasyan poşî, şîn, tenk
xene, nexşî, pencey nask
panî berzekey řengawřeng
heyase, bo kemerî teng
bûk, řazayewe, řeng sed cor
wek baxî beharî ber xor
keway surmey xwastemenî
poşî endamî bedenî
desmałî, pûłekeçin, ał
ała, le dirzî sîney kał
suxmey, gurûnî guł řeş
singî kifî girte baweş!
řeşbełekyan řêkxist, germ
hełpeřkê çepî bû... nerim
pencey nerim û şil û nazdar
ała le dest û pencey yar
tik tik areqî řûy wek guł
eygirt bonî mêxek, simił
zawaş, kełeget, şox û şeng
nawşanî pan, serincî meng
seryan qoçketaş kird... cwan cwan
daydabowe, feqyaney pan
simêłî qît... qetranî řeş
řûmetî pan û çawî geş
bûk xiraye řê, bo cûtyar
lem zincewe, bo ew dewar
aẍaş, be fîz, dêt û deçê
wird wird nerim hengaw enê
her wa dway dû sê mangî tir
berbû le gyanî beg agir
pîlan, tał tał çinîyan boy
zor řêge û şwênî dana xoy
nardî be şwên zaway şenga
le tarîkîy şewezenga
nardî bo firmanêk bêdeng
nardîşye ser řêgay.. tifeng
le nîweşewda, kutupiř
destiřêjêkyan lê kird lepiř
kuştyan... aẍaş firmêskî řişt!!
bimzanyaye kê bû... emkuşt!!
kê bû kuştî cûtyarî min
wa dyare wêłe bo mirdin!!
dway firmêskî diro, řiştin
bełênî «tawanbar» kuştin
jinî cûtyarî mare kird
xunçey «taze pişkutwî» bird!