ey ho çen ser çing çerx çep werdim
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
2 Xulek
790 Dîtin
ey ho çen ser çing çerx çep werdim
çerx çen çerxya min mam nemerdim
ye gerdûn mudam gerdelûleşen
diłdaran, dił den, hay çend tûlşen
ałem berkenar, wêm be ḧał wêm
ay çen gyan sext bîm çen çerxiş da pêm
eweł barxaney bedbextîş awerd
her wêm mezanû çon barbendîş kerd
micrî mîhirş kerd ne şadî piř
we bar îblîsNava taybet perdey ḧeya diř
awerd parçey bed poşa ne werim
řû sya, řeng zerd ser ta kemerim
nizûl kêşa dest bextim ew řay bed
pay edeb ne erk ’adet kerdim řed
řêze kerd şîşey bezim bîsatim
zirnigya zeng, berd nehatim
parey perend kerd mînam we meynet
bada le terey beynet ce meynet
ey ser ta ew ser xul awerdewe
hewday hem û ẍem meḧkem kerdewe
îse ne ’eyşen, ne sirûr, ne řaz
ne da’îre û def, ne çilçeng ne saz
yekser perdey çerx çun ehil karen
maław berd, her ’ekis tapom dyaren
baz hem kiłafem çun bedłey derwêş
her çerxim medo çenî çerx wêş
hey çerx we bedî wêt giriftar bî
her çerx biderî her ta dyar bî
şerit bo çun çenî yûsifNava taybet bedkarî
to ew çepgerdî, min ew bê’arî