wêł û sergerdanî dulber şêt û şeydayî semen
bo dû guł
Li pirtûka:
Dîwanî Exol
Berhema:
Exol (1911-1988)
1 Xulek
740 Dîtin
wêł û sergerdanî dulber şêt û şeydayî semen
mał û ser qurbanî dulber gyan be fîdayî semen
ger neken baweř be dulber swênd bewî tiryan exom
sa be ḧeqî ayîneyî ser kułim û gonayî semen
řeş buwe cergim be wêney xałey dulber tewaw
pêç exom wek ḧełqeyî kakołî tatayî semen
kuştimî dulber be dax û bo ewey bijyêmewe
yek nezer besme le lutfî wek mesîḧayî semen
perçemî dulber řeşe boye cîhan nîwey şewe
řoje wextêkîş ke derkewt řûyî zîbayî semen
ba le taw dulber zelîl bê dîdekem heł dêtewe
ger wekû tersa pena berme kiłîsayî semen
cejne wa dulber sibeynê emkene qurbanî to
ger xuda nemxate ber nûrî tecellayî semen
bulbulî dił çon tewanay şîwenî dû guł eka
gah gahê şînî dułber gah wa weylayî semen
wa be sewdawe enałim çerxî gerdûn řeḧmetê
ya wîsal û maçî dulber ya şekîbayî semen