demeteqey pîrot û bapîr
Li pirtûka:
Bo Kurdistan
Berhema:
Hejar (1921-1991)
1 Xulek
624 Dîtin
p: mam bapîr tûřey? bi: her tûřem û bes?
p: leserçî? bi: le dax caşûley teres
gazim lê egrê, lûşke ehawê
p: deysa bîfroşe webore pyawê
bi: bo xoy xoy firoşt pêrar wepare
naw kurtanekey piř le dînare
p: kam caş? şîneke yan hînekey řeş?
bi: dêze û pêy êjin caşî şêst û şeş
mamostaman bû, bo kurd kurdêne
małî řimandim, her eyut bêne
biřnoy pê kiřîm, şeřî pê kirdim
bo hemedanîş legeł xoy birdim
geřandimyewe bo şeřî wiłat
minî tûş kird û xoy beşew hełat
le naw tewîley ’arew xizîwe
êste cehendem herçî dizîwe
bote dujminim, yexem bernada
wezor eyewê řencim be bada
êjê kurdistan ebê şîmal bê
caşk ceḧiş bê, were te’al bê
’arew bêne naw kurdistanewe
kurdîş derbeder wekêwanewe
dek yaxwa beş xoy řenc xesarî bê
ew coyey eyxiwa jehremarî bê
ew zołe kurdey caşî dujmine
gaz le kurd egrê gořî kuştine