serdarî zumrey felaket kêşan
Li pirtûka:
Dîwanî Pîremêrd
Berhema:
Pîremêrd (1867-1950)
2 Xulek
651 Dîtin
pîremêrd em hełbestey xwarewey bo «meḧmûd cewdet» wituwe. meḧmûd cewdet yekêk buwe lew kurdiperweraney ke le şarî beẍdada jyawe. biray řeşîd cewdet û ḧemîd cewdete, le seray konî beẍdada wezaretî malye - řustem ḧeyderî kuştuwe leser mafêkî taybetî xoy. leber ewe le sałî 1937da kirawe be sêdareda. pîremêrd em hełbestey bo ew karesate wituwe:
serdarî zumrey felaket kêşan
fermanî melek derûn piř êşan
badey ẍemxurdey mergî nakaman
birînî nasor cergî piř zaman
perdey dił be êş mewday ẍem pare
derd le banî derd diłey aware
wextî lafawî çawim wek baran
temî ebeste ser řûy sitaran
henasey syam le bokřûzda
berdî da be řoḧ birdali’cuzda
derametyekey azîzim derkewt
baranî giryey yaranim berkewt
xo min demêk bû çawim efřî
firmêskî xwênim le çaw esřî
xatirim çend řoj xestey xeman bû
çawanî serim wek çawan wa bû
emca waweyla û çemerem berz bû
jyanim şêwa, şînim la ferz bû
çiray řûnakîm lê kujayewe
dergay jyanim daxrayewe
şay şadîm şika řûy kirde firar
beydaẍî şadîm hate nîwey dar
bêperwa nałam be lawanewe
kewtime şêwenî naw lawanewe
em çend şî’raney exwênd be giryan
diłî diłberdî ekird be biryan
nakamî eyam kameranîm řo
ber nexwardûy ẍem zîndeganîm řo
fiday weten û diłsozî mîllet
nimûney sexa û azayî û ẍîret
ser û małî xoy bo ême dana
be bednimekî nemanut: dana
of agirî le naw cerga egřê
zubanim sûta û qisem bo nakirê
nazanim pîşey merdî tewaw kem
be yadî çarey cergî sûtaw kem
wa min tay tarî şî’irim biřawe
şewî tarim hat norem tewawe
derdî mergime řoynim dyare
toxwa sa řeşoł! norey qetare
hey řořoyek bike, bilawênewe
sengî sextî dił bitawênewe
sersamî matem zimanî bestûm
pekî zayełey mersyey xistûm
lam aşkiraye ke îtir emirim
agir berbote tomarî şî’irim