be nawî «bêsaranî» yewe witûyetî
Li pirtûka:
Dîwanî Pîremêrd
Berhema:
Pîremêrd (1867-1950)
1 Xulek
727 Dîtin
pîremêrd em hełbestey xwarewey le beharî dway şeřî berdergay seray silêmanîda wituwe ke be řoje řeşekey şeşî eylûl benawbange:
xudaye behar, xudaye behar
bigeřêtewe bo zistan behar
wek hewrî behar bo xoy bigrî zar
řojî řûnakî bête şewî tar
wenewşe şînpoş, milkeç, nigûnsar
sosen kunkun bê be nînokî xar
dengî kew bibřêt le dewrî kosar
sirwey ba nebê leser pelkî dar
estêrey sîweyl wêney tazê dar
řeşpoş bê şewqî nebînê dyar
ḧewtewane lêk bibřên, tar û mar
leyla be ahî mecnûnî hejar
le asmanda boy nebê qerar
zirawî «zihre» bitoqê be qar
dicle kefçîn û lêł, dêwanewar
pê le zincîrda binałênê zar
qîblekem řoyî, diłekem melûle
behar xezanî ḧuznî eylûle