zerdeştî
Li pirtûka:
Dîwanî Pîremêrd
Berhema:
Pîremêrd (1867-1950)
1 Xulek
802 Dîtin
taze guł řoyşit le baẍa, diřkî pîr her mayewe
gêje herçî xoy exate gêjî em dinyayewe
dadî ayînman le dest mey noşî û řeşpoşîye
hej beser ew cejne ya serxoşî ya ser xoşîye
’adetî cejnî musułmanane yektir maç eken
cejnî êsta mateme ew maç û mûçe ladeben
bêt û şew to bêyte lam řoje ḧeram pêwîst nîye
bêcge lew teşbîhe min pîşem çirawekujênîye
zułf ke řûy dapoşîyaye, dad û hawaryan ekird
xełke! mang gîra le tepił û dumbełek den destubird
êste zułf biřra, şehab gîrawe, mangigirtin nema
ḧeyfe! hêlaney diłan şêwawe, bîbîne seba
hênd be azadî diro em ’aleme pêy hełbezî
kewtine jêř qeydî biřîn her qeydî řûy zułfyan biřî
pîrî bê pîre û le sermana demaẍim wa siře
êste haławî le pêław û piławî xoştire