yadî nazdaranî caf
Li pirtûka:
Dîwanî Pîremêrd
Berhema:
Pîremêrd (1867-1950)
2 Xulek
1212 Dîtin
poře cwanekey dewrî zerdyan
ay bo kinaçet demî berbeyan
katê sifîdey seḧer derkewê
pêşxaney şefeq le kej serkewê
demî bêdarî ke destî miryem
qonaẍey ’îsa eşwa leser çem
awî zîndegî dête zemzeme
ebê bezemzem awî ew çeme
zełim û tanceřo dest le milan bin
serpopey gułan cêy bilbilan bin
dengî kinaçet berz û ser azad
deng bidatewe wek dengî seyyad
le kenarî zełim, ew sewze gyaye
towî kenîşkî cafî têdaye
to be kinaçe û lence û larewe
min be çawêkî firmêsk barewe
beramber be yek herdû binałîn
herdûkman wek yek bo yar ’ewdałîn
şêwey ew singe cewdaney sed terz
le sîney minda şîwen bika berz
gwêm le dengit bê be yadî caran
kwa małegewre û polî nazdaran
minîş be ferdî mewlewîyewe
be horey gułbang pehlewîyewe
(be şînî tîpî nazdaranî caf
dûkełî ahim piř ka semay saf
wek çîhrey xeyał řuxsarekey xoy
le perdey diłey piř le ax û oy
«pirşey řûy derkewt şay sosen xałan
kem kem le goşey lay syamałan)
«le twêy tarîkî şedey bêgerda
wek awî ḧeyat şepolî eda»
êsta le şwênî ew ’îşwe û naze
bayequş legeł toda hawřaze
êlî caf řêgey kwêstanyan nîye
nazanim felek meylî be çîye?!
umêdim waye her bem zuwane
êlat biçnewe bo ew kwêstane
welî dêwane wîstî le yezdan
ke řêy şem nebê biçêt bo kwêstan
ewsaye du’ay ew gîra bûbû
îste bazařî welî beserçû
cênşînî ew minim emewê
êl bo hewargey kwêstan serkewê