hawîn
Li pirtûka:
Dîwanî Pîremêrd
Berhema:
Pîremêrd (1867-1950)
1 Xulek
889 Dîtin
heway hawîne, heway hawîne
emsał hawînman zor lê beqîne
giřî agirî sebûn betîne
bergî asman bo ême şîne
fesłî guł geştî baẍî pênciwîne
betînî germî hełqirça wiłat
ew sebûneman le kwêwe bo hat?
estêrey tal’ řûy kirde nehat
bê şine û sirwey şemał kişumat
dił bem germaye kiz û ẍemgîne
girdekey yare cêy xoretawe
řêgay seyranî newroz biřawe
karîzî şerîf awî nemawe
erxewan liq û popî şikawe
girdekey seywan cêy zar û şîne
saxwaye hełkey kizey şemałê
heway jengî ẍem le dił bimałê
ay bo dengixoşê legeł şimşałê
be ay ayewe têr bom binałê
derdim karîye û cergim birîne
guł buwe be xar, bilbil piř cexar
baẍewan kewtuwe le pena ḧeşar
şabaz tořî kird, gila mîrişkar
yekser giranî kewte naw bazař
kewtûne řewac siłq û pełpîne