bizim arastin siltan amare bih cilb qilub sifîran
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
3 Xulek
1078 Dîtin
cewdima ferma çun şahan key
araste bî bezim saqî û cam û mey
neyek la ẍemzey saqî dił gudaz,
neyek la semtûr, yek la seday saz!
neyek la dewrey řeqqas ẍeybet,
neyek la çeqey çeqaney tuhmet,
yek ca letîfey aheng û asîb,
yek ca îşarey řemz diłferîb
seday xoşxiwanan ne sefḧey dîwan,
neyek ca postey diłbestey cîhan
hey postey çeres, nuqtey lehu wile’b
hey mezey kebab, hey germî te’b
hey binoş bade, hey bigîr gêsû
hey bizen bose, hey biřan hersû
ta dû sê hefte be mîhrebanî
sefîran ce bezim şa kameranî
şewan mest cam, řo ne şikar bîn
ẍafił ne’umûr perwerdigar bîn
dimay çend hefte şah ser’efraz
saza ’emaret ’uşret pey mecaz
wezîr û serdar supay bî saman
řahî bîn çenî baqîy sefîran
êlçîyan heryek ce meḧelil wêş
sakin bîn heryek bê xewf û endêş
zumrey sefîran ca mel’ebey şûr
sazan bezmigah ce fîsq û fucûr
muheyya bî saz ’eyş û terebî
řeẍbet dan be şurb «binit al’inbErebî» y
ce sułtan dił suxen bider goş
tebdîl kerd efkar u şay xetapoş
mutî’ bî be emir nefis lewwame
ře’îş kerd qubûł ne her hengame
lewwamey le’în mekerdiş efkar
be ře’îş ferman sułtan mekerd kar
sułtan pey te’zîm zumrey sefîran
terk kerd ne herca mew’îzey îḧsan
perê xoşnûdîy nefis lewwame
emirş kerd be terk ’îlim û ’elame
kem kem emir şer’ kerdişan tenzîl
tereqqî kerd bend qanûn be te’cîl
sułtan û supa gişt bîn syapoş
xêza sefahet coşa noşanoş
tewḧîd bî ẍa’îb, ’îlim bî mestûr
ne îqlîm şer’ nemend şu’ley nûr
neher penc îqlîm nîzam dan řewac
be ’ulemay şer’ nemend îḧtyac
herla guşad bî bend hîdayet
kem kem kufir dîn kerdiş sîrayet
nefis lewwame guşad kerd mekteb
ce hendesey kufir kerdiş murekkeb
xeterey pelîd kerd be mu’ellîm
be beççey efkar îslam da te’lîm
be’zê te’lîm kerd nutiq ferensa
be’zê bemezheb cebrî bîn aga
be’zê felsefî, be’zê kufir ḧerb
çun tekmîl mebîn mestanan menseb
me’mûran terîq ḧeq kerdin ẍa’îb
peyda bî ce mułk derd û mesa’îb
herřo be new’ê mezłemey sułtan
beher terefda sadir bî ferman