a’ade nimudin lişkir tirfîn hirîk be aqamtigah xudşan û rahî şidin sifîran hirîk bih miḧil mi’în xudşan
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
1 Xulek
548 Dîtin
cumle sefîran gişt bîn amade
ordûy terefeyn kerdin î’ade
ředid û bedeł bîn sifîran kar
supay pey mekan wêşan kerdin bar
guro guro bîn supay bê saman
herkes ce meḧel wêşan bîn îskan
ce sułtan nefis xeber keym beyan
muxber bî ce kar supay êlçîyan
perê îstîqbal nedîman wêş
kerdiş muheyya şah bed’endêş
swar bîn yekser be sed ’îziz û naz
kerdin îstîqbal sefîr mecaz
îblîs le’în çenî êlçîyan
daxił bîn ne text serîr sułtan
sefîran çenî wezîr bîn pya
kerdişan sucdey text şahenşa
sułtan bêbak be lefiz şîrîn
bikerdiş zumrey sefîran teḧsîn
heryen carî kerd lutif gûnagûn
sefîran ce lutif sułtan bîn memnûn