lişkir arastin tirfîn û şikist alxinas
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
550 Dîtin
’îşq mecazî yek hefte temam
asûde xatir nîşten be aram
ce yewm heştem weqit subiḧ seḧer
swar bî be esp da ne tepił şeř
nîm firsexê dûr ce herdû supa
tîp tîp û, sef sef supa û nara
ce qelb û cenaḧ supa da tertîb
dilêran pey řezim ’edû da ferîb
ce deng bořye, ce gerd espan
yeksan bî ce ’eyn zemîn û zeman
cewla elxennas swar bî be zîn
tertîb da ce pêş supay kufir û kîn
bazûy pehlewî be ceng kerd guşad
tertîb da supa be kirdar bad
ce ebir qeza baran ecel
da ne mezre’ey mewt mu’eccel
xêza çerxeçî ce beyn dû sef
daşan be hemda ḧerbey kîn ne kef
feres kerdin germ ce ’erser xeter
serf bî ce beyn senan û teber
nezdîk bîn be hem dû řewey supa
ateş dan be tîp ḧerbey řezmiga
nêze endazan pa nyan ne pêş
germî dan be ḧerb bê xewf û endêş
axir elxennas serdar gumřa
be bořyey hucûm supa kerd aga
supa be yekcar awerdin bêrişt
nepêçan ’enan supay bed suruşt
daxił bîn be hem dû beḧir ceyḧûn
zemîn le’il fam, hewa nîlî gûn
cew teref supay wezîr mecaz
şilîk dan be top nêzey dûr endaz
ce şerarey nar gulûley tewḧîd
daxan bî supay serdar ’enîd
serdar mecaz wezîr dilêr
berdişan pêrş herdû neře şêr
kerdin qetił û ’am supay bed esas
şikya, şikist werd supay elxennas
kedin qetił û qiř supay kînexwah
şiksiten berden ta be ئۆردûûگاە
ce ordûgay wêş supay piř ẍezeb
ce kîne û kunyet nyan binyay ḧerb
serdar û wezîr ẍuřřan be supa
berdişan bêrş perê ordûga
be quwey hucûm wezîr û serdar
supay elxennas kerdin tar û mar
xezêne û espab xeyme bî ẍaret
dan ne tepił ’eyş berz beşarit
hem nutiq û beser be quwey ẍîret
azad bîn herdû ce fîtney tuhmet
baz kerdin espan sitûr û cemel
yeksere kêşan ba ordû meḧmel