name nuştin wizîr û mihilit xwastin az alxinas mil’un
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
510 Dîtin
perê elxennas name kerd înşa
tełeb kerd muhlet be we’dey yek ma
çun ce terefeyn mecrûḧ fizûnen
hem wêman xeste û hem esp zebûnen
yek merd ce sef ’alî hîmmet bî
merd xoş kelam, îsimş ulfet bî
nameş da be dest ew merd dana
êlçî name send, řahî bî ne řa
yawa be ordû nameş kerd teqdîm
elxennas mezmûn nameş bî tefhîm
derdem elxennas bê teklîf û řenc
tełeb kerd ne pêş munşîy řeqem senc
cwab name alxinas bewzîr
emirş kerd cewab awerd be teḧrîr
’emewî erşed! xîtab be wezîr
pey mewqûf ceng ta we’dey yek mah
’erze menwîsîm perê şehenşah
be sułtan wêm medewn me’lûmat
ełbet mekyano perêm nîzamat
mûcîb qanûn sefîney nîzam
hem ce me’alş mekerût î’lam
fermaş be gencûr ḧazir kerd xel’et
xerqey nemîmî bexşa be «ulfet»
xêza ne meclîs «ulfet» be xuşnûd
ne řûy elxennas bikerdiş sucûd
nameş sitana řahî bî derdem
yawa be ḧuzûr wezîr be xuřřem
nameş kerd teqdîm «biḧdErebî» selam
wanaşan name seraser temam
wezîr sakin bî ce endîşey kar
pey îmdad her řo dił ne întîzar