saqî name
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
896 Dîtin
saqî bo be ’îşq pîr muẍanî
muheyya ker bezim badey me’anî
îmşew dił melûl îdarey dehren
qutûy mezaciş tiryak û zehren
pazehir fîkirş bê îmtîzacen
be tîbib badey ḧeqîq muḧtacen
meyl ne mel’enet eẍyar ne zengen
fîdat bam saqî! şewgar direngen
toy ḧucrekey xas xełwetxaney yar
carûb der be ab badey xuşgewar
bawer be cîlwe tecellay ewweł
zewqiş baqî bo ta mewt ecel
bew ẍemzey diłdoz ey seru sehî!
dił ne mezlemey ḧesret ker tehî
er kerdî îḧyam bew badey duwem
xatirim ne bezim cemşîd mebo cem
bawer be xiroş çeng, çeqane
dewrey řeqqasan, neş’ey peymane
zîle’ def bew kef xuş xwananewe
mutrîban besteş bistananewe
cîsim û can bew řeqis bigêro meqal
samî’ey yaran beyo be eḧwal
saqî fîdat bam ne perdey sêyem
cîlwey cemałit binmane çun şem
piř ko pyałe, dewrê der be naz
bimał ne dił zeng neşîb û fîraz
er guł ne perdey serfirazîyen
ya bulbul mestûr nuktey mazîyen
gułab badeş el’an baqîyen
bestey îcazey ẍemzey saqîyen
er ’enqay fîkirim awerdî be gîr
qîblenumay dił zû mebo esîr
îste to xazîn badey zulalî
xelîfey meḧbûb çehardey sałî
serim be ser gerd dîdey şehlat bo
řoḧim payendaz gerd bałat bo
er nîm nîgay meyl bikey ne barem
îḧyam key azîz bew badey çarem
bew neş’ey piř şor badey řoḧanî
pîrîm ser medo be newcewanî
dehen bew bade, dest bew camewe
dirêẍ bimerdam min bew kamewe
ewsa nałey ney bikerda şînim
ẍemzey saqî bo ne cay yasînim
kefen řengîn bo bew badey gułfam
meyliş toşem bo ta «yum alqyamErebî»
bew mestîy demaẍ bew xumarewe
bikerûn xurûc ne mezarewe
eger bew lutfe «derwêşNasnava edebî» bî ẍenî
key mebo be meyl ey dinyay denî