dir hicir dinya gwîd
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
836 Dîtin
hey hana ney çerx sifłey sitemger
bêkarey ’ecûz, bê mayey şewher
çerx çewaşeş menden bêbeqa
herkes pêş naza cêş nedî sefa
her ew asyan ey çerx çep gerd
tûsiş kerd be toz, keyûmerz be gerd
mekkarey muḧîl ney gehwarey dewr
şeddaş nehêşt ne beheşt cewr
bezim xusrewanîy kîsra betał kerd
sed řostem bestey çah şeẍał kerd
zumrey enbya, çend padşahan
’edem kerd ne ’eyn zemîn û zeman
şîwen wist ne kax şay efrasyab
binyad şahan key kerdiş xerab
kelley tacdaran be kasey kel bî
hezaran me’yûs şax emel bî
çend dîdeş teř kerd be ab ḧesret
çend dił soçna be nar fîrqet
mer min ya emsał min ce sayey tû
key mebîm diłşad cey zuşt bedxû
neqłen ce ḧedîs kutub mu’teber
muxbîr sadîq wey tewr dan xeber
talîb dinya kul muxennesen
«talb ali’qibaErebî» kul mu’ennesen
«talb almulîErebî» ye’nî řezay ḧeq
sadiq ew kesen zukûr mutłeq
«feqêNasnava edebî» ḧesretmend çerx dewwaren
hersatê sewday çerxiş sed taren