şiru’ be ḧikayt xadim
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
795 Dîtin
emîr zeman, e’yan û neqîb
kerdin întîxab perê yek xetîb
zumrey meḧelley ehil cema’et
yekser pey xadîm daşan şehadet
watin: dû sałen ney ca muqîmen
her merd sałḧ, teb’iş selîmen
hem ’alî cahen, hem şew bêdaren
hem sewtiş melîḧ, hem xeberdaren
ce řezay wêşen ’elîm û řeqîb
ga şa be xadîm, gahê be xetîb
xadîmşan berd be ḧizûr şa
hem bî be xetîb, hem xel’et poşa
hem genc û emwal xetîb sabîq
yekser be xełef kerdişan laḧîq
hem ḧesna ḧerem terîkey selef
ama be nîkaḧ xetîb xelef!
wey tewren esbab dinyay bêbunyad
be fewt yekê yekê ko diłşad
êden etwarş ey dinyay denî
ga mun’îm muflîs, ga muflîs ẍenî!
çerx çewaşey gerdûn bêřam
êden bazarş ne her subiḧ û şam
«feqêNasnava edebî» ne felek çêşen mudde’at
kerdey elesten «cud waqfatErebî»
zumrey şa’îran gişt ney mes’ele
’ebes mekeran ce gerdûn gile
bêçare gerdûn wêş sergerdanen
wêş herdem ce emir qeder ḧeyranen
gah ḧerekey şerq, gahê pey ẍirûb
gah pey şîmalen, gahê pey cinûb
řasten maçan hen cizu îxtyar
tefwîzen be ’ebid umûr herkar
emma ce herkar tewfîq ce ḧeqen
fa’îl muxtar zat mutłeqen
her ḧerekey ten, her xeterey dił
meḧfûzen yekser ce ’îlim ezel
qîsim «alistErebî» en her derd û dewa
umûr herkar, herçî hen ce řa
zuhûr qudret şay muste’anen
meḧek dinya cay îmtîḧanen
her zeř qełb bo mebo sergerdan
ce dareyn sikeş qełb û nařewan
«feqêNasnava edebî» ce xetîb biker ḧîkayat
ber muḧemmed bo selam û selat