qeleřeşe û beçkekanî

qeleřeşeyek çend beçkey hełêna. hemû řojê deçû xwardemenî bo dehênan û deykird be demyanewe. beçkekanî wirdewrde gewre bûn û kewtine bałefře. emcar legeł xoy deybirdin şarezay deşt û deryan bika û řê û şwênî peydakirdinî xwardemenîyan nîşan bida. řojêk be dem geřanewe, qeleke le dûrewe pyawêkî dî. be beçkekanî gut:

- ahowetan dîwe?

gutyan:

- bełê dîwmane. ewe çîye?

gutî:

- ewe însane. ewane deyanewê bimankujin. wiryay xotan bin.

- boçî deyanewê bimankujin?

- çunke keşk û penîr û şitî wayan lê deřfênîn.

- ca çon wiryay xoman bîn?

- her katê danewînewe bo berd desbecê hełfiřn.

- ey eger danenewnewe û berdeke le gîrfanyanda bê?

qeleřeşeke le xoşîyanda pê kenî û gutî:

- aferîn řołekanim! îtir pêwîst be amojgarîy min naka. xotan detwanin bijîn.