çûne řawî eḧmed’aẍa be swarî ew espe
Li pirtûka:
Las û Xezal
Berhema:
Mela Kerîm Fîdayî (1928-1993)
2 Xulek
630 Dîtin
řojêkî deçowe kej sibeynê
řoyşit be espe sûre beynê
řûy nawe le yałî berze lûtke
ço kêw û çyayî qutke qutke
dey nořeye kêw û şîw bask
ta dîy le kejêk, pole ask
çawî ke dekirdin ew le dûrî
bo wane deçû be espe sûrî
sûr hełdegeřawe řuyî zerdî
deyda serî megbetî le berdî
asûde le ẍem kebû xeyałî
şadî mijî matemî demałî
lew řojewe espe giçkełey sił
perwerde dekird her wekû guł
e’lîmî dedawe wirde wirde
tabowe be espî nêw û birde
werzî ke degeyye çarsałî
heybû le cyatî laq, bałî
her bas le şikił û şewketî bû
ew wêneyî řexşe, şoretî bû
neybû ke humêd ew be jînî
bew espeye her nemawe şînî
ke swarî debo we her be qozî
tarîfî dekewte xêł û hozî
bo wî be hemû dem û bezarî
du’a dekira le çaw û zarî
wek řostem û řexşe xoy û espî
řimbazî û çûne kêwe kespî
řoj û şewe her nebû qerarî
dexulayewe wek melî nizarî
řêgayî desext û nalebare
deykird be nałe esp, pare
kwêstan û çiř û kej û telane
ew boyî deřoyî řostemane