ey dił mizganî ama koçî yar
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
2366 Dîtin
ey dił, mizganî, ama koçî yar
şay şadî ser da, xeman kerd fîrar
ha gerd û ẍubar meḧmel dyaren
dek lêławît bo çonit qeraren?
çun beden ce taw hîcranî bałaş
esłen hazu hêz nemenden celaş
fîraqiş bew tewr tewana senden
pa quwey řeftar celaş nemenden
firseten eřwaḧ bişo we pêşwaz
perdey bînayî to pey payendaz
dîde ferş bûzo we setḧî řêşda
take semendiş pa binyo pêşda
’eyneyn! we esrîn awpaşî řaş ker
nek gerd binîşo we gonay diłber
ba şay xałxasan cemîn peřey guł
wey esasewe yawo we menził