hełwêst hewist

xoşewîstim...
beynêke min sergerdanim
geřîdey deşt û herdanim
be dway şitêk egeřêm geş
ta betaw bîgirme baweş!
be dway sozêk
be dway ahengî newrozêk
be dway şadî,
be dway sêberî azadî!
be dway cejnêk:
wek oktober!
be dway bezmêk:
wek şořşî gewrey řaber!
xoşewîstim...
lenaw çend pertûkî mêjû
geřam, sûřam, be arezû
gelêk (kaweKes) û (gîvaraKes) m dî
şořişgêřane hełsawin...
le dijîy bedî!
le dîwanî şî’ir û hełbest
gelêk baznî wişem na dest
lenaw hełbestî mewlewî
xurpey beharim têr çinî!
le meydanî xoşî jyan
bo kurdistan:
danîştime ser çok bo goran!
xoşewîstim...
gelêk derdî jyanman çêşt
negeyştîne... dił awat!
ahî zor kesasanman řêşt
kołman neda leřêy xebat!
hogrî řojhełatêkim:
leřûy wiłat!
mitûy cejne xełatêkim:
bo çînî lat!
xoşewîstim...
çend ḧez dekem
gelî ’êraq, le sereřê
nakokîyekanî zû bimirin!
hêzekanî yektir bigirin
wekû konkirîtêkî řiskaw!
qumî, çewî, çîmento, aw
çend kat be serya têpeřê
tînî zyatir bête naw!
xoşewîstim...
çend ḧez dekem
le xabûr heta mugeyyer
kurd û ’ereb, pêşmerge bin!
wekû çeper
be yek hełwêst
řeg û řîşey împiryalîst
der ken le bin
der ken le bin!