pêncixiştekî leser şî’rî cahîd
Li pirtûka:
Karwanî Yar
Berhema:
Celal Medhet Xoşnaw (1934-1998)
3 Xulek
711 Dîtin
le dadî piř le bêdadî
le gułşendarî namradî
bizey behrey gułî xom dî:
peřî yadî be dił şadî
berew xoşî û azadî
lenêw soz ahengî şayîm
le cejnî yar pîrozbayîm
be nazî bextî sawayîm
ekem yadit le tenyayîm
le bo min her eto yadî
le sîḧrî řaz qed û kemer
řiştey mirwarî guł çemer
be îlhamî diłî (řihber)
enûsim çend witarî teř
bebê mestî û berbadî
lenêwan gułzarî lîmo
gopkey meman emjim bo xo
badey xestim ekeme ho
ebê lêman bibûrî to
ezanim çunke (ustadî)
le bo leb noşî ḧewdarim
le nesrînî gułîzarim
le badey sozî ḧez çarim
be pênûs nakewê karim
ewîş hełnagrê barim
ke derdî jîn betaw dêtin
bizey ser lêwan eswêtin
takû guł şalûr bidwêtin
ebê em gyane xoy bêtin
bibexşê pêt diłî zarim
le bezmî em peristînem
le butxaney em ayînem
hogrî pelkezêřînem
tema nabiřim le em jînem
mełê damaw û bêzarim
egerçî to mitûy lêrî
gułî mêlaqî hełdêrî
minî (řehber) benaxêrî
heta mawim bełagîrî
demî gułxunçey yarim
serim meste diłim piř zam
jyan bêzare lêm her wam
birya kuştarî mey min bam
seḧer cam û şewm her cam
bizanim çon ebê encam
deba ẍem le qefes dakirê
nêmî êş le hetaw řakirê
perçemî yar le guł çakirê
be hîç corê le yad nakirê
çenê sersamim û şêwaw
xozgem le řêt bibame pird
gułałem bot çinîba wird
le gułşenî honrawey kurd
minit wa hogrî xot kird
ke natwanim be kes bim řam
şerab eřnim le bałay co
serab eçnim le çołîy xo
giryanî xestem ełê ho
witare xoşekanî to
ełên pêm to nełêy tenyam
le çepkî honrawey de û loy
bo darî pexşan liqupoy
diłey (řehber) be ax û oy
hunermendêkî dił wek toy
le kam şwên bî girî bo xoy
le baxçey hełbest heraşî
xo bo řêy tarîk çiraşî
lenêwan xizman biraşî
ewende bêhewa û başî
ke minnetbarî nan û doy
şatanî çemî bê’ahî
le gerdûnî řeşa mahî
le gencîney diłan cahî
ne wek aẍay ne wek şahî
ne herdem gêjî heşt û noy
egerçî çaw gułî geşte
bizey lêw bulbulî řezte
çiray bextyarîy pêşřewte
leber em çerxe kecřefte
hemû dem dił be sot û soy