koçî zawayekî namo

kê pêy gutî
bem werzey sehoł bendane
řeşmał řewendît berew
menziłêkî ewende dûr bipêçyewe
kê pêy gutî
lem çerxe nayeksaneda
pişt bikeyte awedanî û
bo hemîşe neyeytewe
xo to wekû hełoyekî hewradîte
leser lûtkey berz neba
nedenîştî..
wek koçerêkî geřîde
lem kwêstane ser beteme gewre bibûy
řenicberêkî çaw qaym bûyt
çi aẍayê derî kirdibûy
bo řoyştî
bo řoyştî?!
neřoyştibay
axir taze mindałekan
zimanî agir fêr debin
taze xerîkin le gurz û
tobzî dujmin têr debin
zû řoyştî
neřoyşbay..
axir sibey..
ker be zimanêkî řewan
le gewrekanyan bipirsin
erê daye
erê babe
mamosta gewrekanman kwan
kwanê ew mamosta cwaney
hemû řojê bexendewe
leseretay gutnewey wane be waney
pêy degutîn
mindałîne
metełêktan bo debêjim
ewey twanî hełê bênê
ewe şaystey çepłeyê zor betîne
wiłatêkî gewre heye
heta çaw biř dekat deşt û
kanyawî çaw begryane
leher çwar dewrî sinûrî
dîwarêkî estûr heye
hezar sałe..
kułink û bêłî lê dedrê
nařûxê û her dîware koney carane
çyay berz berzî tyaye
řezî tyaye
bełam ewey daxî diłî danîştiwane
wetî em wiłate heye
bê ałaye..
bê feranřewa û sułtane
dey bizanim
çi kîje řend û azayê
çi kuř xasê
em wiłate zencîr le pêye denasê..?
min.. mamosta
min mamosta
mamosta.. mamosta.. mamosta
kiçim heryar
dey kîjî xom zor asane
mamosta ewey to fermût
hebê û nebê kurdistane
ger bipirsin..
debê wełamî řewanyan bideynewe
pêyan biłêyn:
mepirsin mamosta boçî..
becêy hêştîn
bo kame hewar bû koçî
ba hewłdeyn
sibey tołey bikeynewe
hełoyekî berzefiř bûyt
leserlûtkey berz neba nedenîştî
lem kwêstane ser beteme gewre bibûy
řenicberêkî çaw qaym bûy
çi aẍayê derî kirdî
bo řoyştî...?
neřoyştibay
taze hetaw germ dadê û
tem tumanî xem řawdenê
taze korpey ḧez pê degrê û
berew beharêkî xemlêw
hengaw denê
kuře zawa- bûk řebene
meřo ba şil nebê çawî
delalî panî bexene
«hewałî maynê zaway sûre»
«hewałê.. zawa řêgay dûre»
«hewałê.. koçî zaway şîne»
«delalê kurmałê xełkîne»
«delalê kur herqurbanîne»
hełoyekê berzefiř bûyt
leser lûtkey berz neba nedenîştî
řenicberêkî çawqaym bûy
çi aẍeyê derî kirdî
bo řoyştî..?
neřoyştibay..
axir sibey..
nobetî řinînî řeze
sibeynê norey biřînî
qonaẍêkî dirêjtire
hereweze.. hereweze
emcareyan..
waney mêjûy qaremanît
be mindałe hejarekan biderewe