bo řołekem
Li pirtûka:
Dîwanî Cemîl Rencber
Berhema:
Cemîl Rencber (1949-1980)
1 Xulek
940 Dîtin
řołe serit na be kêlî zêřîn
be mêjût selmand xebatî dêrîn
bo (kurdayetî)temen û gyanit
be pakî bexşî û bo kurdistanit
bexêwim kirdî wutim: bicenge
serit şoř nekey bem des û tifenge
toş amojgarî daykî diłsozit
le gwê girt taku nemrî bo hozit
boye naş giryem, supas bo xwa
(cergim) berdêke bo pirdî hîwa
řołe; wanebê toman xoş newê
heta bełge bê ta kurd nesrewê
egîna toy law toy cwanemergim
zamêkî gewrey le dił wicergim
şanazî ekem ke daykî tome
(hîwakey kurdit) cêhêştuwe bome
hezar siław bo gyanî zîndûy to
ey cêge beheşt, qet nemirdûy to