şîrîn bûke, bestey newrozî bo dełêm

zor car melî ẍerîbî dił
leser mîlî řadyokemda hełdenîşê û...
amoza gyan dełêtewe.
le (gyan û gyan)y xalqî û...
hera û horyay derûnî min
lenêw (řołe..korpey şîrîn...)
cogey kelî yadî germim dekirêtewe
*
bira mezher.. xo natnasim
lederbendî goranîta be tifengî taset kasim
giřî dengit dostî dêrînî hestime
bizey sabłax... sozî ay ay
desgîranî gyanî gyanî...
(çwar çira)ye û mebestime.
*
minîş wek to, wek (wefayî)
wek aşqêkî asayî
çaweřê y şîrînim dekem
şîrînî min...
bexulî dołî řeşî çaw...
qijî zamî guł deřêsê
şilkey řanî..
pencekanî
gyanî sermay piř lejanî
letewnî şořş depirsê
beteşî y pêłûy çyakan
şîrîn tîşkî xor deřêsê
xełkî gundî ..lepoşak û nan depirsê
*
ey hunermend...
gundî gerûy henasey to
leqed pałî çyay diłî min... lesûtane
gułekanî... baxî mestî, sozî qûłit
lenaw çepkî ẍerîbîma... bende le nîwey încane
kake mezher...
çaweřêy kam teşî řistin le şîrînî dengit dekey
kam lay laye dehonyewe
kame giryan...
le daykî korpe kujrawa... desênyewe
*
kake mezher...
lew şîrîney ke xoşmewê
çaweřêy kam teşî řistinî lêbkem!
demêke şîrîn demnasê
nazî çawî..le’agirokey karwanî řêga nakewê
demêke şîrîn demnasê
teşî y sûr û qijî giznigî bo debem
kake mezher... seyre basî şîrîn dekey
şîrîn min û wefayî şa’îr deynasîn
xoşim dewê... ew dezanê
çi tebarey azarêkim, dawete ber demî dasê
şîrîn tenya min denasê
*
kake mezher...
lenaw gelî gerûy toda, ger deng debûm
lafawî sûrî beharan, nebûmaye
lerey xuřey xom debřî
lekwêstanî gerûy toda... ger zistan bam
begřî şwankarey hejar...
firmêskî çyakanim desřî.
*
ey hunermend... le hełsanî bendekanit
şîrîn bawşim pya dekaw...
hêşta hewrî xoşewîstî y...
beser kêłgey ẍerîbî gyan nebarîwe
minîş lêre... baweş leşîrîn degirim û...
hêşta hêzî, dest beserî dengî dûrim
lebêtelî (amoza gyan)...
le tomargey (kemere şila)nemeyyewe.
*
şîrînî min herdû kułmekanî sûre
bêrîvanî janî gundî dem sinûre
berhełbêney çermî serî şehîdane
marebřî... řizgarbûnî kurdistane