bo şaswarê... swarî espî hetaw bwe

wek hêzêkî, řijaw benaw gîrfanî borciwazîyekan
wek (bêgarî... derebegî y) giř detkênê
bederûnî cutyarekan..
weku pûşê, lenaw biłêsey agirdan
wek ewane... xwênekanman, debin be das
mafî dořaw dedrunewe
xwênekanman... debne hesan, xencer û şîr desûnewe
weku ewan lenaw deryay çewsaweyî
hêzî şepolekan deřon.
řegî zamî herçî sinûrî destikirde
le kenarî řapeřîna, derya dexon
*
min demewê, kirêkarî kargey şî’ir witnê bim
xom xawenî (kerestey xaw, hêzî berhem hênan)m bim
hêzu bîru, wişew ziman... řiqî çewsandinewey jyan..
le mîhrecanî birsêtîm..
her xom şî’rî têkoşanim, bixiwênmewe
her xom befrî sermayedar, bitwênmewe
*
min demewê şî’rê biłêm runakî bê
bedest şaswarî berbeyan
min demewê şî’rê biłêm, zor le şî’ir gewretir bê û
şořşê bê, bo gořînî (xew bo hełsan, şew bo beyan)
şořşê bê, bo gořînî hatne serkarî hejaran
min demewê şî’rê biłêm ..yasayî bê
suşyalîst bê, komonîst bê
bedest şaswarî şořşivan
min demewê şî’rê biłêm, zor le şî’ir gewretir bê
kutekê bê bo gořînî yasay jyan.
*
lexew hełsin, tekan biden.
ey kirêkarî řûy zemîn
takey hêz û areqey bazûy kiřawtan
çekî sermayedaran bê û... le wiłatanî jêrdeste
biraman pê lenawberin.
dey řapeřn..
hatîn, hatîn, hemû hatîn
tekan biden, êweş werin.
*
kake şaswar... legeł birînekanî to dejîm
biray ’aşiq, tekan bide
le naw hemû deryayekî qedeẍeda
papořêkî û, samî çekî etom degrî
lenaw hemû lûtkeyekî yasax kiraw sengerêkî
lenaw hemû gundî jana agirêkî
xot gulleyt û... dujmin le zamî to demirin.
*
biray ’aşiq tekan bide
lecejnî ledaykibûnta..
parçe goştî emřokeman, debexşinewe
le şewanî beratmana, dał û bomba
lecê y kotir denîşnewe
le řojî ledaykibûnma... kêrdî destî burciwakan
deyanewê çyakanman ser bibiřn
deyanewê ..samanî naw kêlgekanman, bigryenin
dił û mêşkî hełbidřin.biray ’aşiq... katê ke swarî xor debît
sedan swarit legełdaye
katê ke swarî xor debît řûnakî estêrekanî
asmanî newbeharanit legełdaye
biray ’aşiq
katê ke swarî xor debît..herçî fiřokey dujmine
her lefřigeyda demrêt û qur’anî mirdin dexwênê
katê keswarî xor debît, (dengî xoşt)
lawik û ḧeyranî hejaran, dehênêt û
teqey zordar dewestênê.
katê ke swarî xor debî, estêrekan leşkirî ton
le notekî şewî serdem, le hatuçon.
*
kake şaswar... tepey espit
ledwênêwe, samî tarîkî nîwe şew, pê y zanîwe
tekan bide..
destigîranit, kemanêke û sazî bo gyanî to nîye
destigîranit sengerêke û diłdarî xoy têda nîye
destigîranit agirêke..
hêşta tîşkî lêman dûre
tekan bide... wa debênim
zîn wilẍawî espeket... le xwên sûre
kake şaswar... êmeş swarî espî toyn û...
řawî dujminekanî to dekeyn
herçî dujmin pê y naxoşe... me wa dekeyn
şew yasa bê, ême řojîn.
le kurdistan, çya lêman qedeẍe bê
le cêy şemał tyay dejîn û xoman lutkeyn
eger mirdin, destibên, leşwankare bigrê
ême henasey bon xoşî berzî jînîn
eger xewtin lenaw bêşkey dîlêtîda
lay layey zamî ême bê
ême hergîz řapeřînîn