ba kêlgekan bê baran bin

minałêkim, se’at temenim dejmêrî û cîhan dengim nagrêtexo
wekû melê, dabřabê, le hêlaney
hestî zîndûm, dabřawe, le şîlanî memîley to
xoşewîstim, ba kemtyarî, xutirmey destî zemane
hemû bezî gyanî hejar hełbiwasê
ba dînarêk, řawî gułegenim bikaw..
gîrfanî giř, ba hawarî lenaw hełsê
xoşewîstim... ba denûkî kotrî sûr
le perêzî zemînî çaw, çîne bika û, baranî xor bixiwatewe
ba tûkî kew... bête serîn, řîzbê leser herzałey şew
ziryanî kêw... dergey behar daxatewe
xoşewîstim... çak dezanîn
her burẍiwî zułmî dujmine, sîlak debê
mêjûy minałî tûřeyîm... be gaz gyanî dekatewe
dengî min û herçî mele,
le rubarî têkoşanî, bałdarekan dekatewe.
xoşewîstim, xoşewîstît.
wek împiryalîstî dwênê, durgey diłî dagîr kirdum
birîne hejarekanî gel, le řêkxirawî şî’rî sûra
gund û şarî, namekanmî, le baweşî defterêka..
dagîr kirdûm
xoşewîstim... minałêkim..
weku (mesîḧ)... çiroy ziman
le zistana, xonçey agir depşikiwênê
minałêkim... weku (eyub) weku,.. weku..
le naw giłkoy aramî xuř..
swarî keştî xebat bwe û
letek herçî kêwî berze
çałî gizî û xemî mêju deřûxênê
weku şemał..
berî xořagirtinî guł decułênê