çwar dyarî mezin

-1-
yekem dyarî
miştê xwênî çawî qazî û
diłî «xule» y piř le bixûr
meşxełêkî biłêse sûr
bewayerî demarî gel
hełdegîrsê
le bîrî newt
le rubarî xwên depirsê
-2-
duwem dyarî (tabloyeke)
bazûy hejar...
zig birsîyekanî yekgirtû
wek çepke tîşkî dem kelî
çawî zîndû
be milwankey areqe û xwên.
şetek dirawe
çawî dewê bîr binasê
le kurdistan...
em milwankeye hełwasê
-3-
sêyem dyarî (yadgare...)
yadgarî nûçî şořş: mosîqaye
le jêr tîşkî gulle û tifeng
le ser laşey çewsêneranda heraye
sirûdî ceng
deng xoşêkî diřî dewê
ta lebêjey..
awazî şořş serkewê
-4-
çwarem dyarîm (řizgarî)ye:
ey afretî daykî çaw sûr
bo to , dyarîm hêna, le dûr
gyanî (valintîna) û (xanzad)
dû bałî zêřînî azad
ta le dûrgey dîlî jyan
aza bifřê...
ta firmêskî
çewsanewey pêşû bisřê