tîşkê bo ser hełwêstekanman

xoştidewêm
xoşewîstît, yasayêke
xoşewîstît sinûrêke
debê min tyay des beser bim
le’azarî diłîş nedwêm
xoştidewêm, ger le defrî yasay to bim
le çwar dîwarî małêka
wek şewî to, wek řojî to
firîştey des le’ejno bim
xoştidewêm, legełta bim
çawî birsît le çawma bê
xoştidewêm, şa’îrê bim
giřî wişey xoşewîstît
le qûłayî henawma bê
*
xoşt dewêm, xoşt dewêm
bełam gyane..leser eweş to detewê
melî witey cwanemergim
le kudîley dengî diza, lat bixewê!
to detewê şa’îrîtîm... ewenebê nawim bênin
destey kiçan, honrawekanim bidwênin
to detewê kes nemnasê
newek axim bo hełkêşin
newek namem bo binêrin
newek dyarîm bo bispêrin
*
xoşewîstim, to detewê
sozî endêşey peykerit bimxiwatewe
gyanî gewrem, lebuxçey bestirawî çawit
ta beyanî... be endêşe...
dergey aso bikatewe
xoşewîstim...
to detewê wek şa’îrekanî pêşû
kerametim bigořmewe, be maçî řû
to detewê, kołhełgirî nazî to bim
to detewê... swałkerî awazî to bim
*
xoşewîstim...
xoşewîstîm, le diłopî firmêskaye
le birjang û qijî řeş û le biskaye
xoşewîstîm... legeł wişey honrawema
le nêw deryay xirpinîta, waxnikaye
xoşewîstim... xoşewîstît, peymanêke
swarî espî mêjû buwe, legwê y çemê
girew legeł şepol deka
biřway çawî cîhanêke...
her detgemê, her detgemê
le jimare «1»y sałî 3y govarî hewlêr biław kirayewe}