hestkirdnî xan miḧemed le pîlaneke û kemterxemîy şazade
Li pirtûka:
Suɫtan Îbrahîm û Noşaferîn
Berhema:
Xanayê Qubadî (1704-1778)
2 Xulek
337 Dîtin
sê şew û sê řoj zyafet kerdin
be wêney ẍulam xidmet mekerdin
şewê ce şewan firset mawerdin
darûy bê hoşî we te’am kerdin
herdû dest kêşan ne řûy te’aman
be mekir û ḧîle lêşan nezanan
darûy bê hoşî bey tewr coş awerd
ce naga her dû derdem bê hoş kerd
xan û şazade zencîr bend kerdin
ta pay text elyas şa berdin
herdûşan derdem behoş awerdiş
şazade nîgay elyas şa kerdiş
watiş ey elyas çi gunam kerdin
bey tewr bê guna zencîrim kerdin
elyas êd şineft ama beguftar
watiş şazade bê xeber nekar
neşar demişq çi karê kerdî
abřû ḧeya û namûsim berdî
meger to aro nawerdî weyad
dinya bey tewren herçê badabad
derdem ferman da celad awerdin
xan û şazade we pay dar berdin
elyas wat yaran keman horgêran
herdûşan tîrřêj tîr baran keran
şazade derdem kêşa ah serd
wêş be xudawind asman siperd
watiş xan miḧemed çi karê kerdîm
bedest elyas çi tewr gîr werdîm
xan miḧemed ejnî ama be guftar
înşeła be zûd mebîn řestigar
min yeqîn darûm weperwerdigar
hawexten beyo xatûney nazdar