zelẍem noş aferîn deba bo çyay zerẍam
Li pirtûka:
Suɫtan Îbrahîm û Noşaferîn
Berhema:
Xanayê Qubadî (1704-1778)
2 Xulek
483 Dîtin
xana goş bider dinya bê şermen
her řo be řengê bazařş germen
gahê medo noş gahê medo řenc
gahê medo seng demê medo genc
şazade persa ce noş aferîn
cekon napeydan zelẍem bê dîn
watiş fîdat bam cey mawa nîyen
îne dû řwen fêrarî bîyen
wat sa to ney ca binîşe bekam
ta min bigêłûm ey mawa û meqam
bełku peyda kem mel’ûn napak
wêney birader ẍełtan kem nexak
şazade lwa bê xeber ce kar
be firset zana cadûy nabêkar
naẍafił mel’ûn ama pedîdar
dest kêşa horgirt şîrînî nazdar
betaw û te’cîl midara nekerd
noş aferîn berd ne gunbed wiyerd
sułtan îbrahîm herç koşiş kerd
zelẍem cadû hîç peyda nekerd
weqtê ke ama şêr bê endêş
dîş noş aferîn nemend ne cay wêş
dya nemenden derûnş coşa
to waçe şerbet helahêl noşa
ah serd kêşa kefit we text xak
ce ser ta we pa yeqe kerdiş çak
dersat peyda bî murẍ xoş sîfat
watiş fîdat bam çêşen mude’at
guzeştey eḧwał beyan kerd celaş
bezarî û şîwen kefit nexak paş
murẍ wat ’ezîzim gyanim bo fedat
ercekoy qaf bo mawerûm wełat
ta peyda nekem mah qeseb poş
celam ḧeram bo xurd û xwab û noş
înşeła be’ewn dehendey cebar
er ce eflak bo mawerûm bewar
meger min merdem ey gyanî şîrîn
pey çêş negonat mewaro esrîn
murẍ ke berdiş şazadey diłřêş
ta yawa we nezd yaran canîy wêş
řaz guzeşte temam beyan kerd
yaran şineftin kêşan ah serd
şazade û yaran bimano we cah
bezarî û girîn bang waweyla
bişîn we serwext xatûn nazar
řû kerd we îrem besed lencewlar