beřêkewtinî şazade û ḧemîd û wezîr berew demişq
Li pirtûka:
Suɫtan Îbrahîm û Noşaferîn
Berhema:
Xanayê Qubadî (1704-1778)
8 Xulek
762 Dîtin
çoł û byaban herde we herde
wêney ahuwan wełed gum kerde
ḧemîd bełed bî, wêş pêşřewey kerd
we şeb û we roz řahan tey mekerd
çil řoz we şitab qetrey cehd û cext
mehmîz dan merkeb we weqit û bê weqit
yawa we cageyê demişqNava taybet da dyar
ḧemîd mela ama we guftar
wat ey şazade ye demişqNava taybet şaren
bider mizganî menziłgey yaren
mekan û maway noş aferînen
ew xuda řeştey ew bê qerînen
şazade şineft mujde ji ḧemîd
wana şukir zat danay kes nedîd
řûkerd we şar kêşa ah serd
çend bar sucdey qesir demişqNava taybet şarş kerd
watiş elselam qesir dułberim
hem qîbley dinya û hem tac serim
-----Teksta ne aşkira zam nêş xaranim
hem řoşnayîy herdû çemanim
ye şar to bî ey bînayîy çem
řewneq dadey řeng řemeq řemîdem
xemim çî we bad şadîm hat we dił
ha ye şar ton yawam we menził
şarit dîm we çem şox newnehał
zeřeyê xem nedił nemend we mîsqał
îmcar şazade watiş we ḧemîd
dost diłnewaz her tonî umîd
her to yawnay diłey min we kam
ey yar gyanî we sergerdit bam
mujdey mizganî noş aferînim
çitewren bidem gyan şîrînim
kam dił ji wesił cansûz bo ḧasił
biço ne werda peydaker menził
ḧemîd êd şineft tund kerd tekawer
řêkab da we řexiş cehan peymaker
we şûr û şîtab merkeb da mehmêz
çun bad seřseř xêza be’axêz
coş ciłew řêz we taw yełẍar
ḧemîd mela daxił bî we şar
řûkerd we meḧel we kûçe û bazař
sorax menził we cistucûy yar
menził peyda kerd řû kerd we ’eqeb
ama we xizmet şah baneseb
çî we îstiqbał we te’cîl û tar
şazadey çînNava taybety daxił kerd we şar
ji puşt merkeb pyade bîn be war
lwan we menził girtişan qerar
jey esna xurşîd xawer ẍirûb kerd
teşrîf we me’way meẍrîb zemîn berd
cehan seranser bî we deycûrî
ḧemîd řewşen kerd şem’ kafûrî
watiş min îmşew ce sewday diłdar
cergim çił medo wêney kûrey nar
ew syazułfan duř gona guł
ce ban gerden bîyen qełay dił
girpey gořey nar soziş eserda
ayr necerg buryanş werda
menała û mewat ey sosen xałim
xo min perê to we koy zuxałim
cergim giř girten pey to be tawen
ne arezûy noş, ne meylim xawen
ha sûtim be ’eşq bar xemanit
pêkyagim be tîr daẍ hîcranit
---Teksta ne aşkira xałî ’eşqit ne ferqim
ce ser ta we pa ce şewqit ẍerqim
be wêney şabaz ne çerx şahî
min dûr ce abim be wêney mahî
to ce ban text daney zeřîn kar
min ba binałûm wêney derdedar
to hay ne sewday fîkir sazewe
ce seday sazan bê endazewe
min zoxaw dił ne dîdem dem dem
hûnaw mepêko ne diłey piř xem
şazade nała ta be sifîde
hûnawan çun seyl řêja ne dîde
ta ke řewşen bî sifîdîy seḧer
pêç meda be wêş çun mar bê ser
aramş nebê satê ne cahê
řû kerd ne canêb ḧesar şahê
yaran no be no diłdarî daşan
to watî nimek we zamş paşan
ew şew ta seḧer her zarî kerdiş
ser be tekyey xwab řaḧet neberdiş
şefeq řewşen bî semtûrê awerd
meyl we naw bazař şar dolber kerd
horêzan we pa be mezaq zewq
řûkerdin we şar megêłan we şewq
çwar goşey bazař sayey her yane
ta ke daxił bîn we qawexane
ew cagey piř feř hem diłguzîn bî
nezdîk be xełwet noş aferîn bî
new cage nîştin bedemax dił
ce řaz dewran felek mend xecił
naga seday deng debdebe xêza
ce dûr baş dûr baş, meḧşer mexêza
cewanê we berg zîbay zeřnîgar
ẍerq cewahêr loloy abdar
mukemeł we berg zeřnîgarewe
we sî hezar kes ’elemdarewe
ce goşey bazar peyda bî, xiroş
sedaş şî be goş, çerx mînapoş
şazade û yaran şêran diłdar
her sê pey nîga girtişan qerar
şazade persa kên ey cewan
bey tewre gustax lwa be meydan
wat melek behmen kyanî neseb
ferzend řeşîd padşay ḧelebNava taybet
warêd bey mekan ey serzemînen
’aşiq be dyar noş aferînen
cey giftugo bîn hersê be hamřaz
ce new peyda bê me’rekey awaz
ẍulẍuley ẍewẍa hey dûr baş xêza
ce dûr baş dûr baş meḧşer mexêza
naga cewanî ama pedîdar
ama nepehlûş çil hezar sewar
ten we berg xas diłnewazewe
be le ’il û gewher xoş newazewe
şî ne řûy meydan perê nezare
’aşiq be dîdar şay perîware
ce new wat ḧemîd ey şexse kamen
ye ce ko aman hem çêşiş namen
wat melek tûfan mîsirNava taybeten meqamş
’ałem mey lerze ce zor û samş
ewîç bey destûr zar û xemînen
eragêł xał noş aferînen
ce new peyda bî me’rekey awaz
seday keřena deng tepił û saz
şazade elyas newey namdar
ne pehlûş meyo sed hezar sewar
temam řûy ’ałem hem ehil bazar
aman we seyran ew şêr namdar
xulase çend kes ce ’alîcahan
şazadey necîb nejad şahan
sîneşan bezam cay derd û daxen
be kemend zułf sya destaxen
uftadey meydan nazk nîgaren
pey dîden bałaş umêdwaren
’eyan [bî] cemał qurs beyza řeng
nimana bała şox şeyday şeng
nałe kefit we cerg cergey diłdaran
aman be nałe wêney bîmaran
şazadan yekser be wêney bułbuł
neẍmenewaz bîn pey dîdar guł
mwatin ême girdîn ce bendîm
temam giriftar nîk kemendîm
yek yek girte bîn ser ne sewday guł
kê dîyen ne dewr gułê û sed bułbuł
yekser ’endelîb yek gułistanîm
baẍban baẍ hem yek bûstanîm
şazadan temam xeste û perêşan
aman we payn pey qesir wêşan
her yek be tewrê ce neway saz bîn
çun bułbuł pey guł neẍmenewaz bîn
wêşan bezarî melawnawe
be ah derûn seng metawnawe
gişt keftin ne xak ne pay qesir zeř
be wêney zamdar bał ce hûnaw teř
çun ceyran we tîr we zam karî
meřêznan we çem esir mirwarî
çun mar bê ser be xem xem werdin
xem we ban xem, ce xem awerdin
sułtan îbrahîm ama cew demda
xak pay qesir bikerd we serda
nederyay derûn diłş coş awerd
cedîde esrîn hûnîn carî kerd
mewat ey şeş dang şabaz teřlan
ey şimqař şox şehnişay melan
ey bułbul şox bustan şahî
’ałem şeydaker bedłiřûbahî
herçend neqaşan qełem be desten
hergîz bey destûr sûret nekêşten
to mah û xurşîd xawer zemînî
ya malêk mulk ey serzemînî
nîyen ce afaq çwar êqlîm dewr
nîyen napeydan, şeş dangiş bey tewr
to er şîrînNava taybety şîrînNava taybet namten
er guł’endamNava taybety kê behramNava taybetten
er lieyl ’amirNava taybety kê mecnûnNava taybetten
kê tewelay çoł tûn be tûnten
kê wêney mecnunNava taybet bikoşo besext
yahû bikêşo bewext û bê wext
şah û şazade xelayq yekser
şewq ’eşq toş cagirten neser
min nimezanû ḧorî řizwanî
eto kafrî ya musłimanî
yekser şazadan xatir perêşan
aman we menził řaḧet wêşan
sułtan îbrahîm derûn ce ẍem keyl
bewêney mecnûnNava taybet ew neşon leylNava taybet
kefit neřûy meydan zam derûn çak
be wêney saye xełtan bî ne xak
be dîdey piř nim eşk hûnaw řêz
be waweylay sext şûr řestaxêz
ḧemîd melaḧ wezîr çenî hem
aman be xidmet şazadey piř ẍem
horgirtin ne řûy xak syawe
pêçan we leḧaf zeřîn zîbawe
řefîqan be soz diłdarî kerdin
be her ḧałê bî be menził berdin
ew řo pay sebir pêçan bedaman
aram girt ta weqit şew beser aman
axir şazade zam derûn çak
axêz kerd neca çun şêr ne řûy xak
watiş ey yaran cay yek car ercum
îmşew min ne dił îradey darûm
bişom bederûn seraçey ḧerem
bełke nazenîn bwînûm we çem
xan miḧemed watiş gyanim fîdat bo
er teşrîf berî men’î nedaro
seyriş kerd be’zê ce şew guzeşte
horêza we pa zam dił xeste