sereta

Li pirtûka:

Suɫtan Îbrahîm û Noşaferîn

Berhema:

Xanayê Qubadî (1704-1778)

10 Xulek 1588 Dîtin

Ziman:

Kurdîya Goranî

Form:

Mesnewî

Kêş:

Font:

watin şazade şeyday şûr ’eşq

nîşt we toy keştî lwa pey

we tac û tomar, cuqey şa qesem

řastî her êden bê zyad û bê kem

’adił şa ji ḧerf xasey ẍułaman

yexey keyanî awerd we daman

ser û sûretiş kûyawe ji berd

herta ke tawaş şîn û zarîş kerd

watiş ey ferzend şazadey m

fîday gyanit bo gyan şîrînim

wêt yarit bo

xwawend ji ser nîgehdarit bo

ḧukam t

babo we sergerd noş aferînit

biçîm bizanîm şazade çêş kerd

we řûy deryawe çon teşrîfiş berd

şazade ew řo nîşt we toy keştî

nezanaş we nerd bext bergeştî

keştî řahî bî we bad murad

de řoz wiyara bê kem û zyad

sitarey şana bał û peř

nehengê we ab ber’ama we ber

wêney koy peřaw ya çun

bew tewr bułend bî ne beḧir

neheng çun keştî awerd we nezer

ama we te’cîl çun bad seřseř

şazadey ji xof neheng

dinya ji dîdeş bî we şewe zeng

wat bar îlahî aman sed aman

çêş kerû çenî ey koy bê saman

necat dehendey ji ateş

ey koy bê saman çûnen ’elaceş

padşay şahan bê şino û bê deng

nîgardarî key keştî ji neheng

du’ay şazade newî mustecab

hîç newî qebûł

daş we keştî da neheng ser we taw

texte texte bî keştî we ser aw

genc û xezane û metay kes nedar

xasey ẍułaman qamet şeker ney

mirwarî û mercan fîrozey xoşřeng

ji dilê derya bî amêteyê seng

qatir û uştir espan tundixêz

ẍerq bîn we derya şûr şeř’engêz

ferş feřweşan xeymey nîlî řeng

temamî ẍerq bî ney dinyay neyřeng

bełê we meylan dehendey dawer

ji řûy yek texte berçî dû nefer

eweł şazade ferzend ’adił

duwem xan miḧemed wezîr ’aqił

ji řûy deryawe aw mewerdişan

meyawa we ’erş ah serdişan

yaran goş darin pey guftey qedîm

min her wey tewre we dîdey xom dîm

herkes bikero nařezay baboş

boser pêş meyon nekeyn feramoş

sa babo yek karê kerdim

ta řoz meḧşer giranen derdim

herkes nesîḧet min we yadiş bo

nekeron karê bê řezay babo

îmcar we meylan řebul’alemîn

biçîm we ser wext sułtan

ji dûr dî we çem

lała ji dergay danay mu’ezem

texte çûb kem kem wist we kenar

parey texte çûb yawa we cengeł

ber’aman teşrîf we cengeł berdin

nîga kerdişan we ser şax dar

sîb û şeftałû encîr û enar

alû gaw engûr û emro

mîwey gûnawgûn ferawan daro

ji lutif bê çûn karsaz karan

awêzan bîyen ce şaxey daran

şazade û wezîr kardan ’aqił

qedrê mîwecat kerdin tenawił

qedrê ji mîwey řengawřeng werdin

ji dilê cengeł geşt û gêł kerdin

sê řoz we nîşat wey tewre wiyerd

ji řezay xwa tak tenyay ferd

dîşan ji naga ama cewanê

ew hem giriftar ḧorî řizwanê

ew hem giriftar we yar wêş bî

sał û mang û řoz, ey cengeł cêş bî

yawa weneşan ser firûd awerd

adab û edeb sucde û selam kerd

watiş ’ezîzan çon keften řatan

we ban dîdem gerd pałatan

çi tewr nawerdîn teşrîf we yane

biferman biçîm we bendexane

şazade wezîr xeylê xoşḧał bîn

watşan eḧsen hezar aferîn

horêzan we pa lwan her sêşan

dest hem girtin çun qewm û xwêşan

ya kem ya zyad qedrê řakerdin

piř neqaş neqaş

gişt cedewlkarî ji ser ta we paş

’ers me’cerî temam zeřkarî

ji terhiş nedaşt hîç şehryarî

ne qeyser , ne xaqan

nedaştin wêney ew qesir zeřîn

ferş feřuşat zîbay zeř’endûz

merdengî laley şem’ ser pîsûz

qap qaçaxan mecmey dîwanî

pyałe û buşqab çînîy xaqanî

xulase espab çînî we sed řeng

medrewşa corcor çun daney fereng

piř bî ji dilê qesir zeřnîgar

şazade û wezîr ḧeyran bîn we kar

jirûy mesnedan bigirtin qerar

tewazu’ kerdiş bê şimar

wezîr kardan fehmîdey guzîn

persa ji ḧemîd we lefiz şîrîn

wat waçe perêm to çi karenî

we tenya ne toy ey talarenî

watiş řaz min bê ḧed şimaren

bextim syahen çarem naçaren

êwe bwaçîn ḧałat wêtan

ewsa şerḧ wêm maçû perêtan

me’lûmen

mexlûq wiłat kam ser dyarî

ji derya çun bî? çun kerdîn guzer?

bwaçîn ḧałat wêtan seranser

be ’ezim nehanîy ’adił

tey kerdîm řahan menził be menził

teyî meraḧil menził tey kerdîm

teşrîf we leb derya awerdîm

liwaym we keştî řahî bîm řewan

keştî we derya te’cîl we dewan

ji keçîy îqbał ji bext bergeşt

nehengê ji ab ser awerd we deşt

neheng perêma awerd pelamar

ẍezeb we te’cîl û tar

ser da ji keştî we teqdîr heq

keştî daẍan bî, bî we hezar şeq

texte texte bî keştî ji řûy ab

temam genc û mał ẍerq bî ne ẍerqab

çunkê řezaş bî ey keremdare

amaman we dest yek texte pare

we meylan wêş tak tenyay ferd

wey texte çûbî ême aw awerd

îsa çun murẍan bê aşyane

menaym xecił ce ey mekane

êden şerḧ ḧał watîm perêt

emcar to waçe şerḧ ḧał wêt

wezîr wat ji xełq wiłat

ey şazadey nesił ’adił şay çînen

şazade sułtan îbrahîm namen

bende ji xizmet baboş wezîrim

namim xan miḧemed wezîr ’adił

îsa ney cengeł mendebîm xecił

yek řoz ne teqdîr ey çerxe pîre

ey zał zeřhan hergîz nemîre

ey saḧêb çerx temam piř neqşe

ey kuhne deyr diłdarî bexşe

ey çadir kebûd bê çił û swîne

ey dûn dewran kes nezan çwîne

ey agay derdan ji ban sere

ey şadî taser we kes nedere

ey ji deng pay mûr xeberdare

ey qerar dadey leyl û nehare

ey gyan kêş gyan candaran sîne

ey kunfeyekun hîç kes newzîne

merd tucarê ji şar

dêwaney deyrî şeyday şûr ’eşq

ji teqdîr çerx bînay bêhterîn

tucar demişq řageş kefit we çîn

teswîr sûret duxt cehangîr

awerd we xidmet şazadey delîr

nîgay sûret kerd şazade lałpoş

ji ’eşq dułber kêşa yek xiroş

ta ke êd şineft ji watey wezîr

esrîn dêdeş ama serazîr

weqit îsim yar şazade şineft

biłêsey derûn çun agir û neft

řêzna esrîn ce hîcir yarş

pey yar diłsoz şîrîn guftarş

kulyawe zaman zam xeterş

dûdê dêwya ji kelley serş

watiş ey wezîr ferxundey salar

xem gişt ’ałem we min bîyen bar

min çun perwane perê şewq şem

ji hîcran yar mesozo cestem

xeber nedarî ji ah serdim

ji ’erş wiyerden nałey neberdim

çenî badeqûş şewan ta we řo

seday zayełey zarîy min meyo

şîn û şîwenim ne şeb û řozen

temam ne hîcran ’eşq cansozen

cehansoz kinaçey eskender şahen

ce minîş wêney dû hefte mahen

şewm her řuzen řozim her şewen

ey qesir û telar hem mał ewen

genc ferawan metay bê şimar

kyana perêm saznam ey telar

giriftar ’eşq ew dîde mestim

hefit sałen jey qesir min çołperistim

ḧemîd mela mewanan namim

giriftar eşq ew cemîn camim

ji ey cezîre mułk moqya

her ji tenyayî zehrem toqya

mer weqtê murad bende bo ḧasił

pey eskender şa mergê bo naził

werne ta qyam gîrodey derdim

baqî weselam ha me’lûm kerdim

jey dem şazade zedey ’eşq yar

watiş ey ḧemîd we şerit û îqrar

er noş aferîn awerdim we dest

şad bîm we dîdar şox dîde mest

bew kes qerar dan çerx şeb û řoz

şadit mekerim şewq cehansoz

ḧemîd wat bestim kemer we îxlas

we zat eqdes berz bê (tenaf) qyas

xizmetkarenan ẍułaman destûr

’ebid duř ne goş ḧazir we ḧuzûr

ta berço ji ten gyan şîrînim

’ebid zeřxerîd şazadey çînim

darom çend espan xaskey tundiřew

tund û têz hełmet çun şehab şew

çun ahûy çołgerd xasey dyarî

nîyen ji ser kar hîç şehryarî

dane û cewahêr metay kes nedar

bar kerîm espan řewend řehwar

ji daney zimřud ełmas û yaqût

bargîrî bikeym muḧkem û mezbût

we ’ewn bê çûn cehan aferîn

bişîm we demişq pey noş aferîn

şazade ke êd şineft ji ḧemîd

řexşende bî bewêney xurşîd

xem û pejaran berkerdiş ne dił

şad bî şikofa çun şikofey guł

watiş we ḧemîd ey biray gyanî

merḧeba ji to ’alî mekanî

birader buzurg şarî mî

eger min mirdim canşînmî

welayat çîn we to mesparim

her tonî saḧêb tac û tomarim

ta řoz merden tac sermî

ji min buzurgiter biradermî

ye şerit êqrar kerdim çenî to

min we ber we her nehwê bo

ḧemîd êd şineft horêza we pa

girtiş tedarek pey lwan řa

xurcînan awerd peřkerd ji gewher

barkerd ne’espan řewend řehwer

merkeban sazan we zîn zeřîn

xusûsen perê sułtan maçîn

şazade çun şêr şûr ’eşq we ser

poşa be endam esłeḧey

wana îsim zat bînay bêhterîn

pa da we řîkab swar bî we zîn

bew esp çînî wêney ahûy beř

tund û têz hełmet cehan

we zîn zeřîn ałay diłpezîr

yekê perê wêş yekê pey wezîr

ji qesir zeřkar ber aman we ber

ḧemîd kilîd kerd her hefit qap der

muḧkem kerd qapîy derwazey ḧesar

pa dan we řîkab we zîn bîn sewar

meded ji me’bûd kerdişan tełeb

pey şar demişq mehmîz dan merkeb

بەڕێکەوتنی شازادە و حەمید و وەزیر بەرەو دەمشق