cwab nuştin mihdî biray nufil şah
Li pirtûka:
Leyla û Mecnûn
Berhema:
Xanayê Qubadî (1704-1778)
2 Xulek
776 Dîtin
wat binwîs nofeł xeyałit çêşen
herkes ne cay wêş padşay wêşen
er qeys mecnûnen to ferzanenî
pey çêş ne xeyał bê îmkanenî
mer min cey werter qeysim nenasan
hamřazen çenî deyrî řwasan
her ce tifłî qeys sadar dêwen
ce dest dêwan ew bar be lêwen
eger qeys we fikir fam wêş mebî
zerûrî tesdî’ namey toş mebî
ew hem benî ’em hem şehzademen
çe muḧtac peyk firistademen
’eyben, qebîḧen, şexsê pêse to
xeyałan xam we dił bawero
hergah zaman ’ezimit we řezmen
êmeyç řojî řezim ce laman bezmen
nameş temam kerd watiş be qasîd
pey şahan ’eyben xeyał fasîd
watiş be nofeł mer ne mezano
tewen ne cay wêş sengîn menmano
ne nazo we zor sipa û san wêş
tîr û taney tał ne kêş we kêş
’ereb ce ’ereb nedaro endêş
lêş me’lûm mebo de’way gurg û mêş
qasîd pey řuxset xatir kerdiş cem’
nameş girt be dest, sifarş be sem’
du’ay dewłet wat mu’awedet kerd
cwabiş awerd be nofil siperd
mefhûm bî mezmûn namey diłřêşî
be’zê be nîza’, be’zê be xoşî
pêç awerd be zam tîr xarewe
kefit ne sewday fîkir karzarewe
kyanaş we cûq we ucaxanda
we êl uweys we qoçaxanda