bo to şîn û girîn û nałewnał û wey dekem
Li pirtûka:
Dîwanî Samî Ewdal
Berhema:
Samî Ewdal (1910-1985)
3 Xulek
459 Dîtin
bo to şîn û girîn û nałewnał û wey dekem
karî mecnûnî girîne min le şadî çî dekem
carê napirsî lemin to çî le min kird bextekem
xo eger bê ḧał û bê ḧałîm nepirsî leylekem
şêt û şeydame le tawan deşt û seḧra pey dekem
carê degrîm û denałim carê xende û pêkenîn
carê bê hoş û xeyałî dê lebo baẍî deçîn
fikirî mem wa dête pêşî bo temaşay xatû zîn
ga leser kêwan desûřêm ga le fîkirî guł çinîn
gahê derwêşim le tawan çar û bê çar ḧey dekem
letawî derdî yare ’aciz û zwêrî minim
kuştey tîẍî mijan û abroyî şimşêrî minim
bêkes û tenha le zîndan ḧepsî zincîrî minim
gahê debme baẍewan û yarî hawbîrî minim
gahê sułtan û ẍenîme gahê îskafî dekem
ger hate yad û xeyałim bête pêş çaw şoxekem
bê beşe bo keyf û şadî řû le şîne bextekem
min le agirî ’îşqî yare dyare tac û textekem
gah le baẍî dadenîşîn mey denoşîn dem bedem
gahê tenhame lebeřye řû le deştî řey dekem
pêm mełên boçî denałî çarî min bê çarîye
xencerî mujganî leyla wa le cergim karîye
boyê eşkî çawekanim řengî wek mirwarîye
wa le tawanî le kêwan kar û pîşem zarîye
dem xerîkim her be qaqa meylî tacî key dekem
lay ’aşiqan wa debînîn lafî me’şuq lê dedey
we’dedarî ’aşiqî to boçî we’dey pê dedey
řojî xoy şertit bemin da baẍî sînem pê dedey
boçî êsta wa benaḧeq ḧukmî ḧepsîm pê dedey
dîl û yexsîrim le boyê meylî diłzarî dekem
pêm dełê ew şoxe kurdey şîrîney řûmahî řom
to menałêne û megryê mijde bê min şoxî tom
carê natanim benûsîn bo to deng û basî xom
pêm dełê xo to debînim herke dêwaney lebom
wa mezane perdeye bo dîtnî to pêçkem
debte xoşî ew girîn û nałe nał û zarîye
wextî mirdin bo řeqîbî seg sîfet wa hatîye
qafłeyî bextit debziwê besye ew ẍembarîye
řojê dêtin wa le pêşe her ke řojî şadîye
wek zulîxaKes bo ’ezîzî men’î dû xunçey dekem
kewtime dawî derdî ’îşqî xom û bext û naçewan
agirî dił wa desûtê nek emanê sed eman
min lebeynî mirdin û jînda ya demînêm ya neman
wa lebeḧrî sûrî xunîn samî girtuwe keştyewan
firteney beḧrî lepêşe û bonî ẍerqî mey dekem