xanay qubadî û meḧrûmî û hełsengandinî mewlewî
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
1 Xulek
1144 Dîtin
xana:
berq seyf naz, ebro xemînan
’ekis mawî xał xurşîd cemînan
er bigno we koy quley qezałe
mekeroş we bûł siftey sed sałe
meḧrûmî:
berq berqey naz ’îşwefroşan
çexmaxey lencey teła ne goşan
bizîskey nîgay dîde şabazan
birîqey ẍemzey şekerîn řazan
er bigno we seng cay tecelay nûr
mekeroş we gerd, çûn surmey koy tûr
me’dûm řas xanaNasnava edebî sozan ’eşq bî
key wêney meḧrûm, her ’eşqiş meşq bî?
hełsengandinî mewlewî:
newbawey xeyał, meḧrûm dana
ředîf letîf, zerîf xana
yawa we dîdey kembînam sawa
ce new bînayî pey dîdem yawa
peyřewîy xanat yad awerde bê
ew esił û wêt fer’ ḧesaw kerdebê
lakîn zadey tebi’ bo ’enberînit
desřêsekey fîkir bîkir şîrînit
pesendîdey fam ’eqił dana bî
xaster ce xeyał xasey xana bî
zyade pey fer’, we ser esłeda
xaseyn watey ton cey serfesłeda