dîsan wełamî xana bo mîrza şefê’ mîrzam xwarîyen
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
2 Xulek
719 Dîtin
mîrzam xwarîyen, mîrzam xwarîyen
axir sermayey pîrî xwarîyen
pêşeş ahî serd şîn û zarîyen
mayey bêqedrî û keftekarîyen
sermayey sewday bazař pîrî
her ax û daxen, endo û zwîrî
hêma to xasî beḧir me’anî
qedrî ’afîyet ewsa mezanî
’esayet we des dûla dûlat bo
ne zor zanû, ne haz pat bo
ce natewanî, ce korî û çeftî
tofłan qawkeran: xało ha keftî!
mergit herasan nîzamîy sanî!
wext çaşt û nan we bê dindanî
’areqit beyo we çirç řûda
çenaket bido we pişt kepûda
lezzet dewran, ḧeram mebo lêt
dost û bêgane ’îbret kero pêt
bê qedir û qîmet we bê ḧał kefî
necay baş le ḧaf we gacił xefî
řîpoqit beyo we hêr dû çawda
herdû pat bişo we çił çepawda
wextê horêzî bişî we řawe
cingołit gêřan gişt ce dimawe
her kesê beyo pêta bimało
qulley minałan hay meço xało
pîre keywano, lêt kero ḧaşa
ewsa mebo seyr qulle û temaşa
her kes famdaren çun to mezanî
merdey xasteren cey zîndeganî
bełam xas do’am merden ce eyyam
mexsûsen erbab ’arî û kem fam
hîç nimezanan qedrî cewanî
be derd pîrî, ta nebon fanî
herçî merez hen, cem bo cey dinya
ḧekîman nawyan we pîrî nya
mîrzay weş kelam, ham derd derdim
şemmey ce pîrî ha beyan kerdim
şefî’ zîqedir mistewfî dîwan!
şî’ray şîrîn řaz, ce qesir eywan
cewanî lwan, amanş nîyen
pîrî derdêwen dermanş nîyen
pey mîrza şefî’Kes biray xoşkelam
xanaNasnava edebî perêş wat: baqî wesselam