er hey biłind mał
Li pirtûka:
Dîwanî Xanay Qubadî
Berhema:
Xanayê Qubadî (1704-1778)
4 Xulek
1718 Dîtin
er hey biłind mał, er hey biłind mał!
er hey yane berz, bînay biłind mał!
erê mayey nûr, subiḧ zeřîn bał!
erê agahdar hem ḧałzan ḧał!
er hey «la îlh, îlّa huwalḧeqErebî»!
er hey lamekan, serdar mutłeq!
er hey sa’etsaz, bestey mah û sał!
«waqîfu al’esrar, ’ilî kulّ ḧalErebî»
er hey zat pak, ferd nîhanî!
er agay řaz, sîřiř penhanî!
er hey ’eta bexiş, «mi’tî kilّ şî’Erebî»!
er hey «laymutErebî», ḧeyatbexiş ḧey!
er hey nûr ne řoy xasan ’eyan ker!
’aşiqan mecnûn, şeyday cîhan ker!
hey nûrit mayey řewşenî diłan!
erê zînetbexiş şikofey gułan!
erê bê ’îllet, bê fîkir û xeyał!
katib qudret, munşîy nuqtey xał
erê hey karsaz, kar be dest asan!
řoşnîy derûn, nîk û bed nasan
afrîdet kerd, firîştey şerîf
wênek mela’îk, sertapa zerîf
beden çûn mînay bilûrî bêgerd
safter ce safîy mewc «ma’walurdErebî»
binazon we to, tak tenyay ferd
ewřo ałtûnit, be xełq îzhar kerd
be zat bêçûn, bêşubih û mîsal
bełam wat: cewab «zat zwalcilalErebî»
’alîm eqdes, ḧeyî tewana
beła bê cewab, qeyûm dana
çun ḧazir we zat, şah eqdem bîm
dił bêzar ce lefiz, «laErebî» û «ni’imErebî» bîm
nimez sebeb çêş bextim zebûn bî?
řefîqim şeytan, mel’ûn dûn bî
ewřo řeha bîm ce betin mader
amam we sefer, dinyay peř xeter
çêş bî we bextim, ẍemanim ko bî?
sewdam fîrawen, cefam bê şo bî
meḧrûm çe cemał cemîn caman bîm
ẍemnak ẍemîn, xeyat xaman bîm
bêberî ce baẍ newnemaman bîm
daẍdar peř derd, hem bêsaman bîm
xeta nekerdim berg «bît alilhErebî»
bit perest newîm «walilh û balilhErebî»
çun yezîd we qetił kes seła newîm
hamceng ḧisên, kerbela newîm
we tîẍ bêřam, biřindey xeter
çun «abin milcimKes» nekuştem ḧeyder
çun nemrûd ’asî, şay celîl newîm
na emrî ferman řay xelîl newîm
we mûsam nekerd sîḧir samrî
newî ce lay min meyl kafrî
qapîm hor nekend ce «bît ali’qîqErebî»
çûn îblîs newîm ce ’îsyan ẍerîq
řahgîr ke’bey mu’ezzem newîm
mudde’î řesûl mukeřřem newîm
nûtfey řesûłim ce bêx hor nekend
tîẍim ne řoy pak pêẍember neşend
tewratNava taybet û încîlNava taybet teḧsîl nekerdim
we bed nam pak cubrîl newerdim
bîẍeyr ce qur’an dersim newana
ẍeyr ce to be kes kesim nezana
çun gumřa kem bed, weysî yemen mał
nekerdim ahîr, sozan û zûxał
cûq melayk, ḧamłan ’erş
zumrey esḧaban, firîştan ferş
hîç kamên be dest min newî esîr
zanûy ḧeyderim nepêka we tîr
řay ḧacyanim nebest çun řahzen
naqûsim nejend wêney ahrîmen
zekeryam we zam eřře let nekerd
mîr ḧemzem we zerb şimşêr qet nekerd
nam esḧaban pak dîn îslam
hîç kes we bê qedir we ḧeb newanam
çun fîr’ewn de’way xudayîm nekerd
ce dîn řesûl cudayîm nekerd
çun qarûn be genc be mał nenazam
çenî saz û baz dinya nesazam
nimez ce dergat keçbazîm çêş bî?
pey çêş dił we xar xeternak řêş bî?
pey çêş bêbehrey zewq dinya bîm?
řencîdey afaq, şadî senya bîm
dił bî we korey serdî henasan
bê nesîbît kerd ce bałay xasan
ḧeq be dest ton, şay neza û nemerd
nekêşanit cewr, cefa û dax û derd
we řenceřoyî û we namuradî
neyawa we kam xanay qubadîNasnava edebî