ey sirwey nesîm wey kizey şemał
Li pirtûka:
Dîwanî Şakelî
Berhema:
Şêx Ehmed Şakelî (1905-1980)
1 Xulek
456 Dîtin
ey sirwey nesîm wey kizey şemał
baweşênim ken bûm be koy zuxał
eger newroze û gya û guł xêze
boçî gułzarî min gełařêze
ẍunçe bikirêto geła biřzênê
çon diłî bulbul boy nagryênê
şoley arî şewq tem bitawênê
perwane řoḧî çon nesûtênê
azîz kak meḧmûdid naçî lebîrim
bo cêgey çołit tewaw zwîrim
giryanim germe bêto le şara
bo def’î ẍeme eçim bo sara
azîz mirdinit ledem gencya
diłî komełê gencî pê řencya
hemû muxlîsê wek min diłgîre
mergî nawe’dey toyan lebîre
em dû sê beyte bo to exwênim
hawřazekanit bo egryênim
întîzarim ke lew nîştîmane
wemergit qesem cêgey giştimane