qesîdey şew
Li pirtûka:
Dîwanî Xadim
Berhema:
Xadim (1895-1953)
3 Xulek
985 Dîtin
katî wesłî ’aşiqane to demê biřwane şew
xoy esûtênê be şem’î dulberî perwane şew
řoje katî ẍefłet û hem fîrqet û dûrî leyar
zułmetî şew firsetêke tecrubey merdane şew
katî def’î ḧacetî muḧtace bo ehlî nyaz
bo beyanî siřî dił xełwetgehî xasane şew
nałey zarîy ḧezînî ’aşîqan te’sîr eka
zor ’ezîzî bigre ewqatî be kem meřwane şew
çaweřêy řoyştinî řoje le bo katî wîsal
pirdepoşî siřî ’eşqe herdemî mestane şew
zułmetî şew fezłî zore burcî durcî gewhere
metle’î cîlwey řuxî xurşîdî nûr’efşane şew
de’wetî me’şûqe şew bo ême katî zarîye
setrî ’eybî ’eyb daran û gunahkarane şew
agirî mûsa ke hełgîrsa le widay eymena
mew’îdî esrarî tewḧîd û qisey canane şew
bo diłî ehlî sefa sed feyzî me’na coş eda
cîlweyî şem’î sibeynanî lenaw damane şew
řêgeyeke bo byabanî ḧerem tarîkî şew
cameyî îḧrame ya xo perdeyî dîwane şew
zułmetî şew bote daẍê bo diłî buryanî řoj
bo tecella çunkî xase bo diłî xasane şew
’aşîqan dersî miḧebbetyan le tarîkî şewe
ḧusnî dulberye mudeřîs hem debîristane şew
çawenořî nîw nîgahêkî hebê ’aşîq le şew
sed nîgahî dulberî xoy wa leser mujgane şew
gwêt le nałey ney bê xadîmNasnava edebî çî ełêy lem bezmeda
katî wesłî ’aşîqan û ’eyşî bê payane şew
bezmigahî ’eyş û şadî řezmigahî şoř û şeř
sef şikênî ’erseyî meydane bo merdane şew
bařeşî řeḧmet nehate barşî řeḧmet ke hat
musmî baranî feyze bo diłî yarane şew
şew çi şew zułmatî her xawendî feyz û řeḧmete
çeşmeyî awî ḧeyatî watêya penhane şew
şew çi şew katî se’adet barşî baranî feyz
barşî em řeḧmete bo cem’î bêdarane şew
şew çi şew esrarî esra bo ’irûcî ’aşîqe
de’wetî me’şûqe ’aşîq wa le ew mîwane şew
şew şepolî şînî deryay miḧebbet hate coş
wek sedef sed gewherî me’nay tîya penhane şew
mew’îdî mî’rac û hem qedir û beratî ehlî dił
bem hemû esrarewe me xisûse to biřwane şew
herkesê xwahanî duřřî me’rîfet bê firsete
piř le duřiř û gewhere deryayî bê payane şew
katî wesłî ’aşîqane xadîmNasnava edebî yiş huşyare xoy
quř depêwê ta seḧer her ah her nałane şew