beharî seqiz
Li pirtûka:
Gird û Ko
Berhema:
Nafi Mezher (1913-1998)
2 Xulek
589 Dîtin
zimsanî seqiz zor tûşe û karî
bełam zor xoşe fesłî beharî
sirwey bay şemał, girmey hewrî tał
řoḧêk ebexşê be kurdewarî
demew behar bû wek sałî sałan
çûm bo gezîze bo tepî małan
eçûn bo seḧra wek karemamz
duwan û syan tîpî minałan
hewrî sipî û řeş wek dêw eygirman
be qemçî agir eyda le ’asman
le taw heřeşey dêweřeşey hewr
’asman egrya û firmêskî eřjan
şinoy bay behar řoḧî şad ekird
însan zemaney konî yad ekird
bîrî mecnûnî şêtî ekirdo
yadî şîrînî le ferhad ekird
xał xał hêcanan eyniwan le dûr
wek kerekêwî û piłengî meẍrûr
leser lêwarî pirdî ḧay sałe
řwanîme hêzî erxewane sûr
aw geyşte ser qebrî keweswar
qebrêkî konî řêgay řêbwar
ne řêgey xeyder ne kanîkewe
leber zorî aw hîç nebûn dyar
qopî ḧay zekî piřbibû le aw
her awî sûr bû ta karî ekird çaw
wek teyr tîjbał lûlî bałim da
xom xiste ser aw be xeyałî xaw
çemekey seqiz yadgarêke
bo şarî ême îftîxarêke
diłxoşî xełkî seqzî êmeyş
be beharêke û be řûbarêke!