têkoşe
Li pirtûka:
Gird û Ko
Berhema:
Nafi Mezher (1913-1998)
1 Xulek
629 Dîtin
hawşarî diłsoz řołey nîştîman
temełî nekey aman sed aman
lebo fêrbûnî sen’et û danîş
heta etwanî koşiş ke koşiş
be çawî xot dît ke wa tiraktor
hêzî zortire le hêzî gabor
tewaw ḧałî bûy le hêzî gaşîn
çende kemtire le hêzî maşîn
herwayş zanînî melay dewruber
kemtire le hî cam’ alazhirErebî
mamosay zana û sen’etgerî çak
şar û wiłatî xoy eka řûnak
mîlletî ême ewne le dwaye
ełey zemanî daye hewaye
pêẍember fermûy bo ’îlim û sen’et
zeḧmet bikêşe û řenc û meşeqqet
pêşnîyanîş xwayan lê xoşbê
ḧeyfe qisanyan lat feramoş bê
witey şîrînyan xoştire le qend
yekê lewane bo emsal û pend
mela û ḧekîmî kolke û natewaw
emyan şeytane û emî tir qessaw
ya melay çak be ya dukterî baş
le řûy ’îlmewe buwe be dartaş
eger na dîn û gyan û małî xełk
be fîřo le des der’eçê bêkełk!