yadî zułfî lûl şîrîn nîgaran
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
1263 Dîtin
yadî zułfî lûl şîrîn nîgaran
xeyałî ebroy nazk nazaran
ew bîyen we çîn sefḧey pêşanîm
êd xem çemekey bałay kemanîm
fikirî daney xał jerej xeraman
endêşey bałay newřes nemaman
ew taney dîdey soma bêzmen
êd daney esrîn we taw řêzmen
mutrîb ye keman bałay xem werdem
ye tarî esrîn xem kok awerdem
sa dey tenxiway min wey dem derdewe
lêder newayê wey çend ferdewe
ya ce gunay min kerem awanter
řeḧmet ce tawan min ferawanter
her tonî we taq dana û tewana
tom henî, henî ew kêm bo hana
xerîkî kirdey wêm û fezłî tom
êd mitawnom, ew milawnom
bo bê’edałet feziłit çenîm bo
wesêmen xecłet xizmetekey to
perde ce řuxsar kerdem lame ber
ce lay hamseran řûsyam meker
yend berom xecłet kerdem be wêda
serapam tifłê des maro pêda
çun fikirî feziłit perde newazo
cwanîm pîrî awat mewazo