sikała
(katî gîran le zîndanî eřteş le kerkûk)
Li pirtûka:
Gird û Ko
Berhema:
Nafi Mezher (1913-1998)
2 Xulek
886 Dîtin
ey zeman boç wa minit kirde esîrî ecnebî
key min û xizmet lenêw ceyşî gewadî ’ařebî
key min û hawřêyetî pêxawsanî bêşeřef
boçî yaba bête şa û min bim be esp û meřkebî
qewmê wa ’erzî legeł řûbey be pênşeş pûł eda
boç leser min bibne zibbat û emîr û mektebî
mîlletê derpêy lela wabû ke desrey mêzere
boç le laḧennay yême bibne feylsûf û meẍrebî
wa serî wiştir geyşte asmanî bê sitûn
dek felek bişkê leber sûřanewe û karî çepî
ey mela to ḧubbî gurgit xiste sîney safî kurd
řûřeşî dîwanî ḧeq bî ey ẍebî îbnulẍebî
ger muḧemed xoyşî herwek qewmekey bêşerte min
la’edem îtir le şer’ û dîn û adabî nebî
to le kwê û ceyşî gewadî kullexorî nanecîb
toy lebar biçwaye daykit dey hetîw řaso nebî
wa le tołey xizmet û xwênřişitinit ḧepist eken
tif hezar le’net le beydax û le ceyş û meşcebî
dey bixo! to û ḧebis û hawcûtî şerîfanî ’eřeb
giftugoy cwan û kelamî diłber û xoşmeşrebî
şîřuhoř û tiř bedem lêdanî şew muzîqeye
řoj qisey pîs û cinêwyan ’adetêke mezhebî
êste têkewtim îtir lomem meken lew kare çûn
kemxemî sergewrekane û ba’îsî bêkewkebî
bo silêmanî enûsim yanî ke’bey pakî kurd
yadgarêke ewey kurde degate metłebî
xakî patan bo serim wek tacî cemşîd û keye
çûnke bem xake şipirzeNasnava edebî berze cêge û mensebî