sedey bîsteme
Li pirtûka:
Dîwanî Fayiq Bêkes
Berhema:
Fayiq Bêkes (1905-1948)
2 Xulek
2140 Dîtin
sedey bîsteme, kurde ẍîretê
le xew řapeře, hewłê hîmmetê
besye nezanî, ’îlim û sen’etê
sûkî heta key? nawê, ḧurmetê
hoş û bîrit bê... pyawî jîrit bê
le cêy serbestî boç zincîrit bê?
nema ew řojey to be’asanî
bitwanî bijî beşadmanî
to ke qewmêkî bê piştîwanî
ger tê nekoşî zor perêşanî
hoş û bîrit bê... pyawî jîrit bê
le cêy serbestî boç zincîrit bê?
řojî kareba û řadyo û buxare
her quwet û fen emřo bekare
gelî dwakewtû beşî cexare
quř beser ewey pest û hejare
hoş û bîrit bê... pyawî jîrit bê
le cêy serbestî boç zincîrit bê?
le řûy zemîna nîye weku to
qewmêkî dû dił, wêł û řenceřo
kełkî çî egrê giryan û řořo
direnge heste bû be nîweřo
hoş û bîrit bê... pyawî jîrit bê
le cêy serbestî boç zincîrit bê?
seyrî ’alem ke bo berzî jyan
xoy hełkirduwe hatote meydan
le řêy nîştiman ebête qurban
bo serkewtin û bo naw û nîşan
hoş û bîrit bê... pyawî jîrit bê...
le cêy serbestî boç zincîrit bê?
sibeynê ke ceng damirkayewe
agirî hera û şeř kujayewe
her kes ḧeqî xoy pê dirayewe
to be çi řûyek dêyte kayewe?
hoş û bîrit bê... pyawî jîrit bê...
le cêy serbestî boç zincîrit bê?
pêm biłê kwanê weten perwerit?
kwa lawî dana û, kwa munewwerit?
kwanê diłsoz û, kwanê řehberit?
nawî xot nebey ey xak beserit?
hoş û bîrit bê... pyawî jîrit bê...
le cêy serbestî boç zincîrit bê?
dermanî derdî ême xwêndine
řewştî pak û xizmet kirdine
towî nakokî zû labirdine
egîna beşman şeq û mirdine
hoş û bîrit bê... pyawî jîrit bê...
le cêy serbestî boç zincîrit bê?